Juan 15:14 - Biblia Mixe de Quetzaltepec

¹⁴ Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Biblia Dc en Mixe de Quetzaltepec

¹⁴ Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 15:14 ပူးပေါင်းရင်းမြစ်များ

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënäty ja Wintsën të tni'ënä'ämën ma Moisésën.

2 Crónicas 20:7

Wintsën, mëti'ipës n'ëwtajtëpën, m'ëxwojptaay ja ja'ayëty yaa, ma tyam tsyëënëtën ja Israel ja'ayëty ets yë'ë xykyë'ëmooy xëmëkyëjxm ja Abraham ja y'u'unk y'ok, mëti'ipë oy mëët mnäjya'awëyën.

Éxodo 7:6

Moisés ets Aarón jëtu'un ojts winë tuntë ijxtëm ënäty ja Tios të tyuk'ënä'ämëtën.

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Jeremias 32:23

E ko jyajtë jam ma ja it naaxwiinyëtën mëti'ipë ënäty të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënäty të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Ezequiel 12:7

Ënät ni''ijxëyës ja ntsëmy nkë'ëyës mëti'ipës nmëtsonäämpyën jëtu'un tä ënäty ja Wintsën të xytyuk'ëne'emyënës ets ntso'onyës; xëënyës ntso'ony ijxnë kä'äxnë, tamës ja ntsëmy mpatsëmy jëtu'un tä ja'ay muum nyijxyën tsumy matsy wiink naax wiink kajpn. Ko jyënäkyxyëëwajty ojtsës yë potsy nyajjuty mëti'ipë naax kajpn nyapots'ajtypyën ets ko kyootsëy täätsës ja ntsëmy nätyukejkyjyëpipëy tam ja ja'ay t'ixtë ets ojts jam nyetyës ma ënäty ja potsy të nyajjutyësën.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Lucas 12:4

Jëëkytyëjk mëku'uktëjkëty, tyam nëëmëtë ets ka'ap xytsyë'ëkëtëty ja yaja'ay'o'kpë, ka'ap yë m'anëmë y'ookëty oy ja mni'kx mkopk ënäty jya'ooky.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

Juan 14:15

Pën xytsyojktëpës miits, mpatuntëp ja n'ënä'ämënës.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Juan 14:28

Tëë xymyëtowtë koos n'ëna'any koos nnëjkxy ets ko jatëkok nmina'anyës ets nyajpaata'anyës mëët miitsëty. Ko jeexyë miits xytsyoktës, mxoontaktëp jeexyë ko xynyijawëtë koos nnëjkxy ma ja Tios Teetyën, jä'ä ko Tios Teety wäänë mëj yë'ë këtiinëm ëjts.

Juan 2:5

Ënät ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

Santiago 2:23

Ets y'atëëy ijxtëm ja Tios ja y'aaw y'ayuk këxja'ay myinyën: Abraham myëpëjk ja Tios, paaty ojts yajnaxyë wa'ats. Ja Abraham mëku'uk ojts ja Tios tyijyë.

1 Juan 5:3

Ko ja Tios ntsojkmëty, ja y'ënä'ämën ënäty npatu'unëm ets ja y'ënä'ämën ka'ap tsyiptä'äky,

Rut 3:6

Ja Rut ojts jam nyijkxy ma ja Booz ja kyamën ets jëtu'un tuuny tä ja tyaakxyäkxy ënäty të y'ënë'ëmxëtyën.