Juan 15:12 - Biblia Mixe de Quetzaltepec

¹² Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Biblia Dc en Mixe de Quetzaltepec

¹² Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Juan 15:12 ပူးပေါင်းရင်းမြစ်များ

Malaquías 1:2

Jëtu'un yë Wintsën y'ënä'äny: Ntsojktëp nja'awëtyëp miitsëty. E miitsëty tyaa m'ëtsowtë: ¿Wi'ix ëëts nijawëtëty ko xytsyoktës xyjyawëtës? Tääts ja Wintsën y'ëtsoy: Miitsëty jëtu'un ntsoktë njawëtë tääjës ntsojkyën yë Jacob, oy ënäty ja Esaú mëët jyatu'kä'äxëty

Juan 13:34

Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

Juan 15:17

Yë'ë miits ya'atë ntuk'ënä'ämtëp: Nätsyokëtë nixim niyam.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Tios kë'ëm mtuknijawëtë wi'ix mnätsyok mnäjyawëtëty nixim niyam.

2 Tesalonicenses 1:3

Mëku'uktëjkëty, xëmës ja Tios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 4:21

Tios ëëts ya'atë ënä'ämën të xymyo'oyëmë: Pën ja Tios tsyojkpy, näjyëtu'un ja myëku'uktëjk tsokëty.

2 Juan 1:5

Mëyajtën mijts yam n'amëtoow npëjktsoowtëp ets nätsyojkëmëty nixim niyam. Ya'atë mëti'ipë yam ntuknija'ayëtëpën, ka'ap yë'ëjëty jemypyë ënä'ämën, yë'ë mëti'ipë tääyëmën.