Juan 14:9 - Biblia Mixe de Quetzaltepec

⁹ Ënät ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Tios Teety. ¿E tii ko m'ëna'any ko ntuk'ixëty ja Tios Teety?

Biblia Dc en Mixe de Quetzaltepec

⁹ Ënet ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Dios Teety. ¿E tii ko m'ëna'any ko ntuk'ixëty ja Dios Teety?

Juan 14:9 ပူးပေါင်းရင်းမြစ်များ

Génesis 26:9

Ënät tmëjwooy, tä t'ënëmaay: Tëës nijawë ko tääpë to'oxytyëjk mto'oxytyëjktëm yë'ë. ¿Këtiijë? ¿E wi'ixts ko të m'ëna'any ko xy'utyëty? Tyaajës ënäty nmay ntajy, ko ntij yë'ëkyëjxm xy'ëkyaj'o'knëtëtytës: jëtu'un y'ëtsooy ja Isaac.

Salmos 11:1

Ëjts jamës n'ixta'ay yë kuwa'anën ma Wintsënën. Oyës pën xyjya'ënëëmë: Kä'äk, nëjkx jam kopkëjxm tä joonën.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Marcos 9:19

Tääts ja Jesús y'ëtsooy: Miits ka'ap mmëpëktë. ¿Wi'ix ko miitsëty ka'ap tii xytyuntë, jä'ä xytyimtsoktë aak'ëjts winë ntunëty? Yajmintë yaa ya'atë yujkyeeky ëna'k.

Lucas 12:56

Miitsëty, oyjyä'äy mnätyijëtë ets ka'ap jyëtu'unëty. Pën mnija'awëtëp wi'ix xyajkajpxtëty yë naax ets tsajp, ¿wi'ix ko xykyanijawëtë ja xëëw jëmëjt mëti'ipë miimp këtakpën?

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 10:30

Tios Teety ets ëjts, tu'ukyë ëëtsëty.

Juan 12:45

Pën ëjts xy'ijxp, y'ijxyp näjyëtu'un ja mëti'ipës të xykexyën.

Juan 14:20

Jä'ä xëëw miits xynyijawëtëty koos n'ity tu'ukyë mëët ja nTeetyës, ets miits tu'ukyë m'itë mëët ëjts, ets ëjts tu'ukyës n'ity mëët miitsëty.

Juan 14:7

Pën miitsëty xy'ixy'ajtëpës, m'ixy'atantëp näjyëtu'un ja nTeetyës; m'ixy'ajnëtëp tyamnë ets tääjën ja xy'ijxtë.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

1 Corintios 15:12

Pën yë'ëjës nnikäjpxyp nnimëtyäkpy ko ja Kristë jyuukpyijky, ¿tii ko miits jënaakën m'ëna'antë ko ja o'kpë ka'ap jyuukpyëka'antë?

Filipenses 2:6

Yë Kristë, oy tjamëët'ajty näjyëtu'un ja kutujkën ijxtëm ja Tiosën, ka'ap ojts jëtu'un nyäyajnaxyë Tiosën,

Colosenses 1:15

Ko ja Kristë të yaj'ixy'äty ënät të yajnijawë wi'ix ja Tios y'ixëtyën, jä'ä ko yë Tios ka'ap yaj'ixy; yë'ë myëëtu'uk U'unk'ajtyp ka'anëm ënäty tii kyojnyëm.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Tios ja myëj'ajt y'oyajtën. Jëtu'un ijxtëm ja Tios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Tios pyë'aay aka'any'äämpy.

1 Juan 5:20

Nnija'awëm näjyëtu'un ko paaty ja Tios U'unk të xynyimi'inëmë ets nnija'awëmëty ja Tios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Tios, mëti'ipë yäjkpyën ja juukyajtën xëmëkyëjxmëpë.