Juan 14:26 - Biblia Mixe de Quetzaltepec

²⁶ e ja nikajpxtutpë, ja Kënu'kxymyëkajtën mëti'ipë ja Tios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Biblia Dc en Mixe de Quetzaltepec

²⁶ e ja nikajpxtutpë, ja Kënu'kxymyëkajtën mëti'ipë ja Dios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Juan 14:26 ပူးပေါင်းရင်းမြစ်များ

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

Isaías 54:13

Nëjkxëp yë m'u'unk m'ëna'k nyaj'ijxpëjkta'atës ets aak jotkujk nëjkx y'itë.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Mateo 1:18

Jëtu'un ja Wintsën Jesukristë myiiny kye'exy. Yë Maria, ja Jesús tyaak, yë'ë ënäty mëët ja José tsyëënëja'any. Ka'anëm ënäty tsyëënëtë tääts ja Maria ojts wyi'imy u'unk mëët, ja Wintsën ja myëk'ajtën y'oyajtën ojts tyukëtä'äkyë.

Mateo 1:20

Tëë ënäty ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Tios yë xyëëw, Tios U'unk ets mëët yë Kënu'kxymyëkajtën yë xyëëw,

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Marcos 12:36

Kë'ëm ja David y'ënäny ko ja Kënu'kxymyëkajtën ojts yajkäjpxyë: Jëtu'un ja Wintsën t'ënëmaay ja nWintsënës: U'nyë yaatsow maajës yë n'a'oykyë'ëjën, koonëm yë mmëtsip nmëmëta'akëtyës.

Marcos 13:11

Ets këtii maytyëty mtajtëty ko ënäty myajtukwinkuwowëtë ja kutuunktëjk. Jëtu'un m'ëna'antëty wi'ix ënäty ja Kënu'kxymyëkajtën jää myaj'ayukpaatëtën, ka'ap nëjkx myiitsëty mkajpxtë, Kënu'kxymyëkajtën nëjkx myajkajpxëtë.

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënäty myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

Lucas 1:41

Ko ja Isabel tmëtooy ja Maria kyajpxpo'kxyë, tää ojts ja y'u'unk tjawë y'ëti'itsy jyootjoty ets ja Isabel ja Kënu'kxymyëkajtën ojts tyukëtä'äkyë.

Lucas 1:67

Tääts ja Zacarías ja Tios yajkajpxë ko ja Kënu'kxymyëkajtën tyuktëjkëyë, ets y'ënäny jëtu'un tä tu'uk ja käjpxynyajxpën:

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Lucas 2:25

Jam ënäty tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Tios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Lucas 24:49

Ntuknikäxtëp miits mëti'ipë ja Tios Teety të twaantä'äkyën, je'eyëp ko wë'ëmtë miits yaa Jerusalén koonëm xypyaatëty ja mëk'ajtën mëti'ipë tsajpjotm tso'onpën.

Lucas 3:22

ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Juan 1:33

Ka'apës ënäty ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënäty mëti'ipë nëjkx yajnëëpetyën mëët ja Kënu'kxymyëkajtën.

Juan 12:16

Më''ëka'any, kä'äp ojts ja y'ijxpëjkpëtëjk tja'akyyukëtë; oknëm tja'akyyukëtë ko ja Jesús yajmëjja'aw yajjaantyjya'awëy, jäänëm ojts tja'amyätstë wi'ix ja Jesús ënäty të jyäty të kyëpetyën, näjyëtu'un wi'ix ja Tios ja y'aaw y'ayuk ënäty y'ënä'änyën.

Juan 14:16

Ets n'amëtowëpës ja Tios Teety ets tkäxëty ma miitsëtyën ja wiinkpë ja nikajpxtutpë; jä'ä jëtu'un ja Kënu'kxymyëkajtën tëyajtënpë, xëmëpë yajpaata'anyën mëët miitsëty.

Juan 14:25

Tyam miits winë ntuk'ëwa'anëtya'atë naam tyaanëm nyajpaatyës mëët miitsëty;

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Tios Teetyën, yë'ë nëjkx xynyimëtyä'äkyës.

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 2:22

Paaty ko ja Jesús ojts jyuukpyiky, ënät ja y'ijxpëjkpëtëjk tja'amyäjtstë ko ënäty jëtu'un të y'ënä'äny ets tmëpëjktë ja Tios ja y'aaw y'ayuk ets ja Jesús ja y'aaw y'ayuk mëti'ipë këxja'ay miinpën.

Juan 20:22

Ets ja y'ijxpëjkpëtëjk ojts tpi'ixy ets t'ënëmaay: Kupëktë ja Kënu'kxymyëkajtën.

Juan 6:45

Jëtu'un ja Tios ja kyäjpxynyajxpë y'ënantë: Ni'ëmukë ja Tios tyaj'ijxpëka'any. Paaty mëti'ipë myëtoow'ijtëpën ja Tios Teety ets tjatë mëti'ipë tuk'ijxpëjkëtëpën, ëjts xynyimiintëp.

Juan 7:39

Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënäty ja Jesús tsyajp petynyëm, paaty ja Kënu'kxymyëjajtën ënäty ka'ap myinyëm.

Hechos 1:2

ets mapaat tsyajpejtyën. Ka'anëm ënäty tsyajpety ko ja y'ijxpëjkpëtëjk ojts tukwinjawë mëët ja Kënu'kxymyëkajtën mëti'ipë tyuntëpën kyajpxtëpën.

Hechos 1:4

Tëkok ënäty ja ijxpëjkpëtëjk jam tmëëtkaytyë ja Jesús ets y'ënëmaayëtë: Ka'ap mnatsoontëty yaa Jerusalén. Owxitë mëti'ipë Tios Teety të twaantä'äkyën ma miitsëtyën, mëti'ipë të ntukmëmëtya'aktën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 11:16

Ënätës nja'amyejtsy ja Wintsën ja y'ayuk, ko y'ënäny: Tëy ko ja Juan yajnëëpejty nëë mëët, miitsëty Kënu'kxymyëkajtën nëjkx mëët mnëëpätë.

Hechos 13:2

Tëkok, ja Wintsën ënäty jam wyintsë'këtëp ets ayuu'ajtëp ënäty jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Hechos 13:4

Ko ja Saulo ets ja Bernabé ja Kënu'kxymyëkajtën yajtso'onëtë, jamtsow ojts nyëjkxtë Seleucia ets jam tuktëjkëtyë ja kepy nëëwinye'epyë, jam nyëjkxtë Chipre, tu'uk ja it mëti'ipë mejy itkujkyën.

Hechos 15:28

Tëë ja Kënu'kxymyëkajtën t'oyjyawë ets ëëtsëty ka'ap miits tii ntuknipëktëty ets xytyuntëty mëti'ipë ka'ap kyopkpëkyëtyën:

Hechos 15:8

Tios, mëti'ipë wa'atsën nyija'awëp wi'ix ja ja'ay ja y'aaw jyot tu'uktu'uk tmëëtëtyën; tëë tyajnikëxë'ëky ko yë'ë kyupëjkpy ja ja'ay wä'än tpënëty, paaty ja Kënu'kxymyëkajtën ojts tmo'oy ijxtëm ëëts ojts xymyo'oyëmën.

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Tios ja y'aaw y'ayuk tkajpxwa'kxtëty jam Asia.

Hechos 2:33

Ko ënäty ja Tios Teety të yajtsajpetyë ets të yajnaaxweetsyë y'aka'any'äämpy ets ko ënäty ja Kënu'kxymyëkajtën ja Tios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënäty japëtyën ets tuntëty tkajpxtëty mëti'ipë ja Tios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Hechos 28:25

E jä'ä ko ka'ap ënäty tu'knax myäytyë tyajtë, ënät nitu'uk patu'uk tsyo'ontë ets ja Pablo y'ënëmaayëtë: Mëtëy ojts ja Kënu'kxymyëkajtën y'ënä'äny, ko ojts tyajkäjpxy ja käjpxynyajxpë Jeséas mëti'ipë nteety'ajt n'ap'ajtëmën:

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Tios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Hechos 7:55

Ja Esteban mooyë ja Kënu'kxymyëkajtën ja kutujkën ets ja winma'any ets tunëty mëti'ipë ja Tios tsyojkpyën, tää ojts tsajpjotm pya'at'ixy ets t'ijxy ja Tios ja myëj'ajtën jyääntyajtën, näjyëtu'un t'ijxy ja Jesús tyänë Tios y'aka'anytsyow.

Romanos 14:17

Ka'ap yë'ëkyëjxmëty jam m'itë ma Tios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Romanos 15:13

Ja Tios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Tios y'oyjya'apën, mëti'ipë Kënu'kxymyëkajtën të tyajwa'atsyën.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Tios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

1 Corintios 12:3

Paaty miits tyam ntuk'ëwaanëtë ko pën y'ëna'anëty: Kajpxpoky ja Jesús y'ity, ka'ap ënäty ja Tios yë'ëjëty ja Jya'awënëty yajkäjpxyë ets näjyëtu'un ka'ap pën y'ëna'anëty: Jesús yë'ë Wintsën, pën ka'ap ja Tios yëë ja myëjaaw myëk'ajtën yajkäjpxyë.

1 Corintios 6:19

¿Ka'ap miits xynyijawëtë ko ja Tios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Tios të mmo'ojëtënë?

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Tios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Tios ja jyot myëjaaw ets yë'ë mjä'ä'ata'anëtë.

Efesios 1:17

N'amëtoopyës ja Tios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Efesios 4:30

Këtii nëkoo xyajjotmaytyëkëtëty ja Tios ja kyënu'kxymyëk'ajtën, mëti'ipë të myajtuk'ijxwë'ëmtën ko Tios mjä'ä'atëtë mapaat ja nitsokën ënäty tu'ukyë myajmooynyëtën.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Tios ënäty kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

2 Timoteo 1:14

Mëët ja Kënu'kxymyëkajtën ja pyutëjkën mëti'ipë ijtpën ma ëëtsajtëmën, këwent'at ja oypyë ijxpëjkën mëti'ipë të myajtuknipëkyën.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.

Hebreos 10:15

Ets ja Kënu'kxymyëkajtën tnikajpxë ko y'ënä'äny:

Hebreos 2:4

Näyjyëtu'un ja Tios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

Hebreos 3:7

Paaty, ijxtëm y'ënä'änyën ja Kënu'kxymyëkajtën: Pën tyam mmëtoow'ijtëp wi'ix ja Tios y'ënä'änyën,

Hebreos 9:8

Mëët ya'atë ja Kënu'kxymyëkajtën tyajknikëxë'ëky ko ja Tios twintsë'ëkëtë ma ja mëjëwyiimpë tëkotën, ka'anëm ënäty nyikëxë'ëkynyëm wi'ix ja ja'ay tyëkëtëty ma txëëwatyën ni'ik wa'atspë ja tëkot.

1 Pedro 1:12

Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

1 Juan 2:20

Tëë miits ja Tios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 5:7

Tëkëëkpëky nmëët'ajtëm mëti'ipë yajtëytyëjkëpën ko ja Tios t'U'unkëty ja Jesús.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

Apocalipsis 2:11

Pën yë tyatsk myëët'ajtyp wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ka'ap ja ëyo'on tpaata'any mëti'ipë xëmëkyëjxm ijtpën.