Juan 14:13 - Biblia Mixe de Quetzaltepec

¹³ Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Tios U'unk yaj'ixëty ja Tios Teety ja myëj'ajt jyääntyajtën.

Biblia Dc en Mixe de Quetzaltepec

¹³ Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën.

Juan 14:13 ပူးပေါင်းရင်းမြစ်များ

Mateo 21:22

Pën mmëpëjktëp, myajmo'otëp tu'kë'ëyë tii m'amëtoowtëp ko Tios xymyëkajpxtëty.

Mateo 7:7

Amëtowtë ets myajmo'otëty; ixta'atë ets xypyaatëty; pijkxnoktë ja tëjk'aaw ets m'ëwatsxëtëty.

Marcos 11:24

Paaty miits n'ënëëmëtë, pën tii Tios m'amëtoowtëp jëtu'un mmaytyë tajtë ko myajmo'ojantëp, ets myajmo'otëty.

Lucas 11:9

Paaty miits nëëmëtë ets xy'amëtowtëty ets myajmo'otëty; ixta'atë ets xypyaatëty; pijkxnoktë ja tëjk'aaw ets y'ëwa'atsëty.

Juan 10:30

Tios Teety ets ëjts, tu'ukyë ëëtsëty.

Juan 12:44

Ënät ja Jesús ojts mëk kyäjpxy: Pën xymyëpëjkpës, ka'ap y'ëjtsëty nätyu'uk xymyëpëky, myëpëjkpy näjyëtu'un ja nTeetyës mëti'ipës të xykyexyën.

Juan 13:31

Ko ja Judas ënäty të tsyo'onë ënät ja Jesús y'ënäny: Tyam nyikëxë'ëky ja Naaxwiinyëtë ja'ay ja myëj'ajt y'oyajtën, ëts ja Tios ja myëj'ajt y'oyajtën jam nyikëxë'ëky ma ja naaxwiinyëtë ja'ay ja y'U'unkën.

Juan 14:14

Ntunëpës mëti'ipë m'amëtoowtëpën ëjtskyëjxm.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Tios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Juan 15:7

Pën tu'ukyë m'itë mëët ëjts ets myaj'ijtëp jap m'aawjoty mjootjoty ja n'aaw n'ayukës, oy tii xytyim'amëtowtëty nëjkxëp myajmo'otë.

Juan 16:23

Ka'ap nëjkx tii xy'ëkyajtëëwnëtës jä'ä xëëw. Tëy miits nëëmëtë, mmo'ojëtëp miits ja nteetyës mëti'ipë m'amëtoowtëpën ëjtskyëjxm.

Juan 16:26

Jä'ä xëëw nëjkx ja nteetyës winë xy'amëtowtë ëjts nxëëwkyëjxm; ets ka'apës n'ëna'any koos n'amëtowa'any ja nTeetyës mëët miitskyëjxmëty,

Juan 16:7

E tëy miits nëëmëtë: Nëjkxaanpës ets miits xytyuk'oy'atëty. Koos nkanëjkxëty, ka'ap tjëkyepy myinëty ja Nikajpxtutpë ma miitsëtyën; e pën nëjkxpës, ëjts jam nkäxäämpy.

Juan 4:10

Ënät ja Jesús y'ëtsoowë: Ko jeexyë mijts xy'ëknijawë mëti'ipë ja Tios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 5:19

Ets ja Jesús y'ënëmaayëtë: Tëy miits nëëmëtë ko yë Tios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Tios Teety, tyuunpy näjyëtu'un ja y'U'unk.

Juan 7:37

Ja tu'kxëëw ënäty kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

1 Corintios 14:13

Jëtu'unts, pën kyäjpxyp ja wiink ayuk, wä'än t'amëtoy ja Tios ets tkajpxtë'kxëty mëti'ipë kyäjpxypën.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Tios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Efesios 3:12

Mëët ko ja Kristë të nmëpëjkëmë, jyëkyejpy nmëwinko'onmëty ja Tios mëët ja oy'aaw oyjyot.

Efesios 3:14

Yë'ëkyëjxmës nwinkoxtänë ja Tios,

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Tios ja kukajpxën Jesukristë mëët.

Hebreos 13:15

Paaty, tsojk ja Tios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Tios mëët ja aaw ayuk.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Tios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

1 Pedro 2:5

Näyjyëtu'un miits ja Tios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Tios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Tios y'oyjya'apën.

1 Juan 3:22

ets yë'ë xymyo'oja'anëm winë tii ënäty n'amëto'ow npëjktso'owëmën, jä'ä ko npatu'unëm ënäty ja y'ënä'ämën ijxtëm tsokyën.

1 Juan 5:14

Yë'ë ja Tios ntuk'ijxpäjtëm, jä'ä ko nnija'awëm ko n'amëto'owmëty winë ijxtëm yë'ë tsokyën myëtoopy yë'ë.