Juan 13:34 - Biblia Mixe de Quetzaltepec

³⁴ Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

Biblia Dc en Mixe de Quetzaltepec

³⁴ Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

Juan 13:34 ပူးပေါင်းရင်းမြစ်များ

Salmos 119:63

Ëjts xy'oyjya'awëtyëpës yë ja'ayëty nitëkokyë jënu'un oy mmëjjaw mkënu'kxyjyawëtyën ets mëti'ipë pyatuuntëpën yë m'aaw m'ayuk.

Salmos 16:3

Jëtu'un y'ëna'antë mëti'ipë y'ëwtajtëpën yë awinax: ko këjää mëj'ajtën tmëëtëty,

Levitico 19:18

Këtii tii ënätyë xytyuunwinpitëty ets ni tsip ni'äkë xykyamëët'atëty ma ja mjëëky mmëku'ukën. Jëtu'un xytsyokëty ja mjëëky mmëku'uk, tä kë'ëm mnätsyokyën. Ëjts jëtu'un Wintsën.

Levitico 19:34

Jëtu'un xyjyawëtëty, tä aak miitsëty mnäjyawëtën. Tsoktë jawëtë jä'ä ko jëtu'un yë'ë jyä'äyëty tä miitsëtyën. Yë'ë ëkmëmay ëkmëtajtë ko miitsëty jaaypyaat jaaypyo'kxy ojts jap m'itë Egiptë. Ëjts jëtu'un Wintsën, mëti'ipë miits mTiosajtëpën.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Tios pën m'ixjëtijt mpajëtijtëtëp.

Juan 15:17

Yë'ë miits ya'atë ntuk'ënä'ämtëp: Nätsyokëtë nixim niyam.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

Romanos 13:10

Mëti'ipë ja'ay tsojkp ja'apën, ka'ap yë myëku'uk t'ëxëëktuny, ma ja nätsyok näjyawën jam ja ënä'ämën yajpatuunta'ay.

Romanos 13:8

Këtii pën xymyënu'kxy'atëty, yi'iyë ja oyjyot oywyinma'any miits mnätyukmënu'kxy'atëtëp nixim niyam; pën ja myëku'uk tsyojkpy, tëë ënäty tpatuny wi'ix ja ënä'ämën y'ënä'änyën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

Colosenses 1:4

Jä'ä ko tëëjës nnijawëtë wi'ix miits xymyëpëktën ja Kristë Jesús ets ko xytsyoktë mëti'ipë ja Tios kajpn'ajtëtëpën.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

2 Tesalonicenses 1:3

Mëku'uktëjkëty, xëmës ja Tios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

Santiago 2:8

Oy ënäty xytyuntë ko ja Tios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

2 Pedro 1:7

ets ko m'itë ijxtëm ja Tios tsokyën, ënät xytsyoktëty ja mëku'uktëjkëty; ets ko ënäty xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 3:11

Yë'ë ya'atë yë Tios y'aaw'ajtyp y'ayuk'ajtyp mëti'ipë ojts miits ëka'any xymyëtowtën, ko nätsyojkëmëty nixim niyam.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 4:21

Tios ëëts ya'atë ënä'ämën të xymyo'oyëmë: Pën ja Tios tsyojkpy, näjyëtu'un ja myëku'uktëjk tsokëty.

2 Juan 1:5

Mëyajtën mijts yam n'amëtoow npëjktsoowtëp ets nätsyojkëmëty nixim niyam. Ya'atë mëti'ipë yam ntuknija'ayëtëpën, ka'ap yë'ëjëty jemypyë ënä'ämën, yë'ë mëti'ipë tääyëmën.