Juan 13:18 - Biblia Mixe de Quetzaltepec

¹⁸ Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Biblia Dc en Mixe de Quetzaltepec

¹⁸ Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 13:18 ပူးပေါင်းရင်းမြစ်များ

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Jeremias 41:2

ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënäty jam të pyëjktä'äkyë ets jam y'ënä'ämëty.

Mateo 10:36

ja ja'ay kyë'ëm jëëky kyë'ëm mëku'uk nëjkx myëtsiptsoonyë.

Mateo 26:21

Kaaytyëp ënäty jam, ko ja Jesús y'ënäny: Tëyajtën n'ënëëmëtë ko tu'uk ja ja'ay pyëtsëma'any ma miitsëtyën mëti'ipës xykyë'ëyakaanpën.

Mateo 26:23

Ets ja Jesús y'ëtsoowëtë: Mëti'ipës mëët nkaaymyukyën, yë'ëjës xykyë'ëyakaanpën.

Marcos 14:17

Ko tsyu'ujënë, ënät ja Jesús mëët ja y'ijxpëjkpëtëjk jam jyajtë.

Marcos 14:18

Ko twinkuwä'tsëy ja kaaypyäjn ets kyääytyë, ënät ja Jesús y'ënäny: Tëy miits n'ënëëmëtë ko tää yaa tu'uk nmëëtka'ayëm mëti'ipës xykyë'ëyakaanpën.

Marcos 14:20

Ënät ja Jesús y'ëtsooy: Yë'ë tu'uk ja nimajkmäjtskpë mëti'ipë nän jap ja tsyajpkääky y'amujëpën maas yë ntexyën.

Lucas 22:21

Mëti'ipës xykyë'ëyakaanpën, tyaajës ja mëët nkay ma ya'atë kaaypyäjnën.

Juan 13:21

Ko jëtu'un y'ënaantaay ënät ojts jyotmaytyëkë ets ojts tkajpxtë'kxy: Tëy miits nëëmëtë ko tu'uk jam ma miitsëtyën mëti'ipës xykyë'ëyakaanpën.

Juan 13:22

Ënät ja y'ijxpëjkpëtëjk ojts xim yam nyäwyintë'kxëtë, ka'ap nijawëtë pën ja Jesús tyijpy.

Juan 13:26

Ënät ja Jesús y'ëtsoowë: Tyamës tu'ktuky ja tsajpkääky nmuja'any; pën nmoopyënës, yë'ë ënäty. Tääts ja tsajpkääky ojts tmujy ets tmooy ja Judas, Simón Iscariote myaank.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Tios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Juan 15:19

Ko jeexyë miits näjyëtu'un m'ëtë'ëtstë ijxtëm yë'ëjëtyën, mtsojkëtëp jeexyë ijxtëm tsoktën ja jyä'äy. E jä'ä koos miits të nwin'ixtë ma ja ja'ayëtyën mëti'ipë yajtuuntëpën ja naaxwiinyëtë winma'any ets ka'ap jëtu'un m'ëtë'ëtstë ijxtëm yë'ëjëtyën, paaty mka'oy'ixëtë.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënäty jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Juan 18:32

Jëtu'un ojts y'atëy ja Jesús ja y'aaw y'ayuk ma tnimëtyäkyën wi'ix ënäty y'ooka'anyën.

Juan 19:24

Ënät ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Tios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Juan 19:36

Paaty ya'atë jëtu'un tyuunë jyajtë ets y'atëwëty ijxtëm myinyën këxja'ay: Nitu'uk tkatëjëtëty ja pyajk.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Juan 6:70

Ënät ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Hechos 1:16

Mëku'uktëjkëty, kopkpëky ko ënäty jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Hechos 1:2

ets mapaat tsyajpejtyën. Ka'anëm ënäty tsyajpety ko ja y'ijxpëjkpëtëjk ojts tukwinjawë mëët ja Kënu'kxymyëkajtën mëti'ipë tyuntëpën kyajpxtëpën.

2 Corintios 4:5

Ka'apës kë'ëm nänyimëtya'akëtë, ja Kristë mëti'ipë Wintsënën ëëts nikajpx nimëtyaktëp; ëëtsëty tuunpës je'eyë näyajnaxëtë koos ja Jesús xytsyoktë.

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.