Juan 13:10 - Biblia Mixe de Quetzaltepec

¹⁰ Ënät ja Jesús y'ëtsoowë: Mëti'ipë ja'ay të tsyi'iyën, oy je'eyë tyeky tpujëty, ka'ap kopkpëky tyimtsi'iwëty, jä'ä ko wa'ats yë'ënë ets wa'ats miitsëty, oy kyani'ëmukëty.

Biblia Dc en Mixe de Quetzaltepec

¹⁰ Ënet ja Jesús y'ëtsoowë: Mëti'ipë ja'ay të tsyi'iyën, oy je'eyë tyeky tpujëty, ka'ap kopkpëky tyimtsi'iwëty, jä'ä ko wa'ats yë'ënë ets wa'ats miitsëty, oy kyani'ëmukëty.

Juan 13:10 ပူးပေါင်းရင်းမြစ်များ

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

Levitico 16:26

E ja ja'ay mëti'ipë ënäty ojts të tnajtsmatsën ja tsajppax jam të'ëts itjotm, mëti'ipë ja Azazel jyä'ä'ajtypyën, yajxon ja wyit tpujëty wa'ats ets näjyëtu'un kë'ëm nyäpyuj nyäjyä'ätsëtëty wa'ats, täänëm tyëkëty ma ja naax kajpnën.

Levitico 16:28

Ja ja'ay mëti'ipë ënäty të tnino'okyën, kopkpëky ko nëjkx ja wyit tpujy tje'etsy ets wa'ats tsyi'iwëty xyëtsëty, täänëm tyëkëty ma ja naax kajpnën.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 13:9

Ënät ja Simón Pedro y'ënëmaayë: Wintsën, pën jëtu'un, pujta'a tu'kë'ëyë ni'kx nkopkës, ka'ap yi'iyëty ntekyës, näjyëtu'un yë nkë'ëës ets nkëpajkës.

Juan 15:3

Miitsëty tëë mwa'atstë mëët ja aaw ayuk mëti'ipë të ntuk'ëwaanëtën.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

1 Tesalonicenses 5:23

Wä'än ja Tios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënäty ja poky xymyëët'atë ko ja Wintsën Jesukristë myinëty.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.