Juan 12:49 - Biblia Mixe de Quetzaltepec

⁴⁹ Jä'ä ko ka'apës ëjts kë'ëm tii nnikäjpxy; ja Tios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Biblia Dc en Mixe de Quetzaltepec

⁴⁹ Jä'ä ko ka'apës ëjts kë'ëm tii nnikäjpxy; ja Dios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Juan 12:49 ပူးပေါင်းရင်းမြစ်များ

Juan 14:10

¿Këtii xymyëpëky koos nyajpaaty mëët tu'ukyë ja Tios Teetyë ets ja Tios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Tios Teety mëti'ipë juukyajtpën ma ëjtsën, yë'ë kë'ëm winë të tuny.

Juan 8:26

Mayës ja winma'any nmëët'aty mëti'ipës nnikajpxäämpyën ets ntukpaye'eytyëty. Mëti'ipës xykyäjxpën mëtëy të y'ënä'äny; paaty mëti'ipës nimëtyäkpyën ma ja ja'ayëtyën nän yë'ë mëti'ipës të nmëtoyën maas ja nteetyën.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Tios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënäty ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Juan 14:31

kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Tios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Juan 8:42

Ënät ja Jesús y'ëtsoowëtë: Ko jeexyë miits ja Tios xytyeety'atë, xytsyojktëpës jeexyë, jä'ä ko jamës ntsoony ma ja Tiosën ets tyaajës nyajpaaty. Ka'apës nkë'ëmwinma'any të nyajtuny koos yaa të nminy, Tiosës të xykyexy.

Juan 3:32

yë'ë myëtyäkpy mëti'ipë të t'ixy të tmëtoyën, je'eyëp ko ka'ap pën të tkupëky ja tëyajtën mëti'ipë jyanikäjpxypën.

Juan 3:11

Tëy mijts t'ënëëmë ko nija'awëtyëpës mëti'ipës nnikajpxtëpën, ets nija'awëtyëp ëëtsëty mëti'ipës të n'ixtën; je'eyëp ko miitsëty ka'ap xymyëpëktë mëti'ipë njatukmëmëtyaktëpën.

Apocalipsis 1:1

Ya'atë ja Tios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Juan 5:19

Ets ja Jesús y'ënëmaayëtë: Tëy miits nëëmëtë ko yë Tios y'U'unk ka'ap tjëkyepy ets kyë'ëm winma'any tyajtunëty, yi'iyë mëpaat tuny mëti'ipë tyuunpyën ja Tyeety. Tu'kë'ëyë mëti'ipë tyuunpyën ja Tios Teety, tyuunpy näjyëtu'un ja y'U'unk.

Juan 6:68

Ënät ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Juan 7:16

Ënät ja Jesús y'ëtsoowëtë: Mëti'ipës ja'ay ntuk'ijxpëjkpyën ka'apës ëjts njä'äjëty, yë'ë jyä'ä mëti'ipës të xykyexyën.

Juan 8:28

Paaty ojts y'ënë'ëmxëtë: Ko ënäty miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Tios Teety të xytyuk'ijxpëkyën.

Juan 14:24

Pën xykyatsojkpës, ka'ap tmëjpëjktä'äky ja n'aaw n'ayukës. Ja aaw ayuk mëti'ipë miits tyam mmëtoowtëpën, ka'ap y'ëjtsëty nkë'ëm'aaw nkë'ëm'ayuk, Tios Teety yë jyä'ä, mëti'ipës të xykyexyën.