Juan 12:44 - Biblia Mixe de Quetzaltepec

⁴⁴ Ënät ja Jesús ojts mëk kyäjpxy: Pën xymyëpëjkpës, ka'ap y'ëjtsëty nätyu'uk xymyëpëky, myëpëjkpy näjyëtu'un ja nTeetyës mëti'ipës të xykyexyën.

Biblia Dc en Mixe de Quetzaltepec

⁴⁴ Ënet ja Jesús ojts mëk kyäjpxy: Pën xymyëpëjkpës, ka'ap y'ëjtsëty nätyu'uk xymyëpëky, myëpëjkpy näjyëtu'un ja nTeetyës mëti'ipës të xykyexyën.

Juan 12:44 ပူးပေါင်းရင်းမြစ်များ

Mateo 10:40

Pën miits mkupëjkëtëp, nän xykyupëjkpës ënäty ëjts; ets pën xykyupëjkpës, nän kyupëjkpy ënäty mëti'ipës xykyäjxpën.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënäty xykyupëjkp; ets pën xykyupëjkpës, nän yë'ë ënäty kyupëjkpy mëti'ipës xykyäjxpën.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënäty tu'knax ja o'kën ets tëë ënäty tpaaty ja juukyajtën.

Marcos 9:37

Pën kyupëjkpy yë pi'k ëna'k jëtu'un tä ëjtsën, nän xykyupëjkpës ënäty ëjts; ets pën xykyupëjkpës, ka'ap y'ëjtsëty nätyu'uk xykyupëky, nän kyupëjkpy ja mëti'ipës xykyäjxpën.

1 Pedro 1:21

Mëët yë'ë ko yë Kristë të xymyëpëktë paaty ja Tios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

Juan 7:28

Tam ënäty ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Juan 11:43

Ko jëtu'un kyajpxtaay ënät mëk y'ënäny: Lázaro, pëtsëm jap.

Proverbios 8:1

Yë ixpëkyajtën mëk yä'äxy jyoky, ets wijyajtën yajmëtoowëp yë y'aaw y'ayuk.

Proverbios 1:20

Në'ëjoty tu'ujoty ets oymyaajëty, yë wijyajtën yajmëtoowëp yë y'aaw y'ayuk.

Marcos 9:23

Tääts ja Jesús y'ënäny: ¿Tii ko jëtu'un m'ëna'any pën mëpaat xyajtso'oky? Aak oy yë ja'ay pyëtsë'ëmxëtë winë mëti'ipë Tios mëpëjktëpën.