Juan 11:33 - Biblia Mixe de Quetzaltepec

³³ Ko ja Jesús t'ijxy ko ja Maria yä'äxy mëët ja jutiis ja'ayëty mëti'ipë ënäty mëët të myinyën ënät ja Jesús ojts y'amutskë,

Biblia Dc en Mixe de Quetzaltepec

³³ Ko ja Jesús t'ijxy ko ja Maria yä'äxy mëët ja jutiis ja'ayëty mëti'ipë ënety mëët të myinyën ënät ja Jesús ojts y'amutskë,

Juan 11:33 ပူးပေါင်းရင်းမြစ်များ

Juan 11:38

Jesús, mëët ja monyëtukyë, ojts jatëkok nyijkx ma ja o'kpë ënäty të nyaaxtëkën. Ja o'kpë jut, aank y'ijty ets tsaa y'akë'ë'ajtyp.

Juan 12:27

Nëkoojës tyam nmaaynyë ntajnë. Wi'ixës n'ëna'anëty. ¿Koomës jëtää n'ëna'anëtyë, Tios Teety, këtii xyajkutuky ets n'ookëtyësë?. Yë'ëtsës të niminy ets jëtu'un tyunëtëty jyatëtëty.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Marcos 9:19

Tääts ja Jesús y'ëtsooy: Miits ka'ap mmëpëktë. ¿Wi'ix ko miitsëty ka'ap tii xytyuntë, jä'ä xytyimtsoktë aak'ëjts winë ntunëty? Yajmintë yaa ya'atë yujkyeeky ëna'k.

Juan 13:21

Ko jëtu'un y'ënaantaay ënät ojts jyotmaytyëkë ets ojts tkajpxtë'kxy: Tëy miits nëëmëtë ko tu'uk jam ma miitsëtyën mëti'ipës xykyë'ëyakaanpën.

Juan 11:19

ets may ja jutiis ja'ayëty ënäty të tninëjkxtë ja Marta ets Maria ets tjotmëkwinkajpxëtë ko ja myëkä'äx Lázaro të y'ooky.

Juan 11:31

Ja jutiis ja'ayëty mëti'ipë ënäty jyämyëët'ajtëpën ja Maria jam ma tyëjkën, ko t'ijxtë ko ja Maria pyëti'ky ets pëyi'ikyë tsyo'ony ënät tpatso'ontë jä'ä ko jëtu'un myäytyë tyajtë ko ja Maria jam nyijkx ma ja o'kpë të nyaaxtëkën ets jam tniya'axa'any.

Juan 11:34

ets tyajtëëy: ¿Ma ojts xyajnaaxtëkëtë? Ets y'ënëmaayëtë: Min ix, Wintsën.

Juan 11:35

Ënät ja Jesús yäxy.