Juan 11:24 - Biblia Mixe de Quetzaltepec

²⁴ Ënät ja Marta y'ënëmaayë: Nija'apës ko jyuukpyëka'antë ja o'kpë jä'ä xëëw ma ja ja'ay ënäty yajpaye'eytyën.

Biblia Dc en Mixe de Quetzaltepec

²⁴ Ënet ja Marta y'ënëmaayë: Nija'apës ko jyuukpyëka'antë ja o'kpë jä'ä xëëw ma ja ja'ay ënety yajpaye'eytyën.

Juan 11:24 ပူးပေါင်းရင်းမြစ်များ

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënäty nma'awyijy.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënäty të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënäty jyuukpyëktë ja wa'ats ja'ayëty.

Juan 11:23

Ënät ja Jesús y'ëtsoowë: Juukpyëkaanp yë m'ay jatëkok.

Juan 6:39

Ets ja tsyojkën mëti'ipës të xykexyën, yë'ë etsës nitu'uk nkayajtëkoyëty mëti'ipës të xymye'eyën, etsës nyajjuukpyëkëty jä'ä xëëw ko ënäty ja ja'ay yajpaye'eytyë.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Tios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënäty të y'ooktë nyajjuukpyëkëpës ma ënäty xëëw jëmëjt kyixyën.

Hechos 24:15

Nmëpëjkpyës ja Tios näjyëtu'un ijxtëm yë'ë tmëpëktën, ko ja Tios ja o'kpë jatëkok tyajjuukpyiky, mëti'ipë oy ka'oy të jyuuky'atën.

Hebreos 11:35

Ojts y'itë ja to'oxytyëjkëty mëti'ipë jyiiky myëku'uk juuky pyatën mëti'ipë ënäty të y'ooky'itën. Wiinkëtypë ojts y'ooktë ëyo'onjëjp'am, ets ka'ap tkupëjktë ets y'ëwaatsëpëtsëmtëty, jä'ä ko yë'ë tsyojktëp ets jatëkok jyuukpyëktëty ma wäänë oypyë juukyajtënën.