Juan 10:7 - Biblia Mixe de Quetzaltepec

⁷ Ënät ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Biblia Dc en Mixe de Quetzaltepec

⁷ Ënet ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Juan 10:7 ပူးပေါင်းရင်းမြစ်များ

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 79:13

ets ëëtsëty, maas nxëëwatën mijts mnaax mkajpn, ets koos jëtu'un xykyëwent'atë mkamjoty tä ja'ay yë kupixyny tkëwent'atyën, ets tyajtänën yë kyupixyny mëëynyakjoty, kë'ëyxyëëw kë'ëyjyëmëjt nkukajpxëja'antë, ets nwin'ëwa'antë ma mijts myajmëjpëjktä'äkyën winë xëëw winë jëmëjt.

Salmos 95:7

Jä'ä ko Tios yë'ë n'ëwtajtëmë ets xykyajpn niwa'anëmë, jëtu'un xymyëët'ajtëmë tä yë ja'ay yë tsyajppax tkëwent'atyën. Mëtoow'itë tyam mëti'ipë ntukmëmëtya'akanëtëpën.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Ezequiel 36:38

Ja naax kajpn mëti'ipë xit ko'ow të y'awinpityën nyaj'utsäämpyës mëët yë mayjyä'äy, jëtu'un yaj'ixa'any tä maykyupixynyën mëti'ipë yajmënëjkxtëpën jam Jerusalén ko xëëw tyunyë ets wyintsë'kën'ata'antë Tios wintum. Täänëm nëjkx tnijawëtë ko ëjts Wintsën.

Juan 10:1

Ënät ja Jesús y'ënäny: Tëy miits nëëmëtë, pën ka'ap tyëkën ma ja kemy aawën, mä'tspë ënäty ets tu'u'ëtujkpë.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Tios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.