Juan 10:33 - Biblia Mixe de Quetzaltepec

³³ Tääts ja jutiis ja'ayëty y'ëtsoowtë: Ka'ap yë'ëjëty myajtukuka'atsa'any ko tii oy xytyuny, yë'ë myajtukuka'atsaanp ko ja Tios xymyëkajpxtëkoy. Mja'ayts mijts ets Tios mnätyijyë.

Biblia Dc en Mixe de Quetzaltepec

³³ Tääts ja jutiis ja'ayëty y'ëtsoowtë: Ka'ap yë'ëjëty myajtukuka'atsa'any ko tii oy xytyuny, yë'ë myajtukuka'atsaanp ko ja Dios xymyëkajpxtëkoy. Mja'ayts mijts ets Dios mnätyijyë.

Juan 10:33 ပူးပေါင်းရင်းမြစ်များ

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

Salmos 82:6

Täätsës të n'ëna'any, ko miitsëty jëtu'un mja'ay'atë tä tiosën, ets aakyë'ë m'u'unk'ajtëtëp Ni'ik Këjxmëpë.

Levitico 24:14

Juut tääpë ja'ay naaxjoty kajpnjoty mëti'ipës të xy'ëxëëktijyën ets tkëxkontëty jam yë kyë'ë ma kyëpajkën, tëkokyë yë ja'ay mëti'ipë të tmëtowtën ets ja naax kajpn yë'ë kuka'atsëtëp.

Juan 10:24

Ënät ja Jesús ojts ja jutiis ja'ayëty nyapikëty ets yajtëëwë: ¿Xëmë jëtu'un ëëts ka'ap nijawëtëty pën mijts mKristë? Tuk'ëwa'anëtëkës etsës nijawëtëty.

Juan 10:30

Tios Teety ets ëjts, tu'ukyë ëëtsëty.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Tios U'unk.

Juan 5:18

Paaty ja jutiis ja'ayëty tjantyyaj'ooka'antë, jä'ä ko ka'ap yi'iyëty po'kxënxëëw tka'ëmaay'äty, näjyëtu'un nyätyijyë ko Tiosëty, jä'ä ko y'ënä'äny ko Tios teety'äty.

Romanos 13:1

Ni'ëmukë mëpaat yajmëmëtoy ja ja'ay mëti'ipë myëët'ajtëpën ja kutujkën. Jä'ä ko ka'ap ma kutuunk mëti'ipë ka'ap jam kyutukyën ma Tiosën, mëti'ipë jääjëtyën Tios yë të pyëjkta'akëtë.

Filipenses 2:6

Yë Kristë, oy tjamëët'ajty näjyëtu'un ja kutujkën ijxtëm ja Tiosën, ka'ap ojts jëtu'un nyäyajnaxyë Tiosën,