Juan 1:48 - Biblia Mixe de Quetzaltepec

⁴⁸ Ënät ja Natanael tyajtëëy: ¿Wi'ix mijts xy'ixy'ätyës? Ets ja Jesús y'ëtsoowë: Naamka'anëm ënäty yë Felipe mëkäjpxyënëm, ko të n'ixy ma higo pa'tkën.

Biblia Dc en Mixe de Quetzaltepec

⁴⁸ Ënet ja Natanael tyajtëëy: ¿Wi'ix mijts xy'ixy'ätyës? Ets ja Jesús y'ëtsoowë: Naamka'anëm ënety yë Felipe mëkäjpxyënëm, ko të n'ixy ma higo pa'tkën.

Juan 1:48 ပူးပေါင်းရင်းမြစ်များ

Isaías 65:24

Ka'anëm ënäty xymyëkajpxtës koos n'ëtsoowinpitëty, ka'anëm ënäty kyajpxpëtsëmtë koos nnijawëty wi'ix y'ëna'ana'antën.

Mateo 10:3

Felipe, Bartolomé, Tomás, Mateo yajkukëpäjtpë, Santiago, mëti'ipë Alfeo y'u'unk'ajtypyën ets ja Tadeo,

Mateo 6:6

Temë ko mijts ja Tios xymyëkajpxëty, tëkë mtëkoty, yaj'ëtuk ja mtëjk ets ja'amyäts ja Tios Teety mëti'ipë ka'ap yaj'ixyën. Ënät ja Tios Teety, mëti'ipë y'ijxypyën tii mtuumpy ayu'utsy, yë'ë mmo'ojëtëp ja kuma'ayën.

Juan 1:44

Ja Felipe mëët ja Andrés ets ja Pedro, Betsaida ijty kyukajpn'atë.

Juan 12:21

Yë'ë ojts nimintë ja Felipe, mëti'ipë kukajpn'ajtpën Betsaida, Galilea y'itjotm tääts tmëpëjktsoowtë: Wintsën, Jesús n'ixantëpës.

Juan 14:8

Ënät ja Felipe t'ënëmaay ja Jesús: Wintsën, tuk'ijxtëkës ja Tios Teety, ets jotkujk nwë'ëmtëtyës.

Juan 2:25

Ka'ap tuk'ëwaanë tsoky, wi'ixjaty ja ja'ay jyä'äy'atën, wa'ats nijawë wi'ix ja y'aaw jyotëtyën.

Juan 6:5

Ko Jesús t'ijxy ko may ja ja'ay nyiminyë ets t'ënëmaay ja Felipe: ¿Ma ënät ja kääky uuky nju'uymyëty ets ya'atë mayjyä'äy kyäytyëty?

Juan 6:7

Ënät ja Felipe y'ëtsooy: Nimäjtsk mëko'px denario kyamëta'akëty ets ja tsajpkääky yajtukjuyëty ets yajmo'otëty këëkyiin këëkwään ja ja'ay.

1 Corintios 14:25

Jëtu'unts nëjkx yajnijawë mëti'ipë ënäty jyotmay'äjtypyën jyootjoty wyinma'anyjoty ets ja Tios nëjkx twinkoxtänë ets tmëjjaw tjaantyjawëty ets nijawëty ko ja Tios yajpaaty ma miitsëtyën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.