Juan 1:44 - Biblia Mixe de Quetzaltepec

⁴⁴ Ja Felipe mëët ja Andrés ets ja Pedro, Betsaida ijty kyukajpn'atë.

Biblia Dc en Mixe de Quetzaltepec

⁴⁴ Ja Felipe mëët ja Andrés ets ja Pedro, Betsaida ijty kyukajpn'atë.

Juan 1:44 ပူးပေါင်းရင်းမြစ်များ

Mateo 10:3

Felipe, Bartolomé, Tomás, Mateo yajkukëpäjtpë, Santiago, mëti'ipë Alfeo y'u'unk'ajtypyën ets ja Tadeo,

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Marcos 3:18

Andrés, Felipe, Bartolomé, Mateo, Tomás, Santiagë, mëti'ipë Alfeo y'u'unk'ajtypyën, Tadeo, Simón mëti'ipë ja zelotë winma'any tyuk'ijtëpën,

Marcos 6:45

Ënätyë ja Jesús ja y'ijxpëjkpëtëjk tkukäjxëy kepy nëëwinye'epyëjoty ets nyëjkxtëty jam Betsaida ets ja Jesús ojts wäänë jyaak wë'ëmy ets nyäjyëkäjpxyë ma ja mayjyä'äyën.

Marcos 8:22

Tääts jyajtë jam Betsaida. Jamts ja Jesús yajtuknimiiny tu'uk ja ja'ay wiintspë ets ojts yajmënu'kxtä'äky tkë'ënixajëty ja wiints ets tyajktso'okëty.

Lucas 10:13

Miitsëty, Corazín ja'ayëty mon tuk myajpaatë ets miits Betsaida ja'ayëty mon tuk myajpaatë. Jä'ä ko jeexyë mëj'ajtën të yajtuny jam Tirë ets Sidón ijxtëm të yajtunyën ma miitsëtyën, wintiixyëp jeexyë ja u'kxywyit tmë'u'unyäänyëtë kuyjaamjoty, jëtu'unts jeexyë të tyajknikëxë'ëktë ko të jyootwinpitë.

Lucas 6:14

Tam ënäty ja Simón, mëti'ipë Jesús ojts yajxëëwpetyën Pedro, ja y'uty ja Andrés; tam ja Santiagë mëët ja Juan, Felipe, Bartolomé,

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënäty të tuntën winë. Ënät ojts wyoowtsoonëtë ets ëpëky yajnëjkxëtë jam Betsaida kyajpnjotm.

Juan 1:43

Komjëpom ënäty ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Juan 1:45

Tääts ja Felipe ojts t'ixta'ay ja Natanael ets t'ënëmaay: Tëës npaaty ja ja'ay mëti'ipë ja Moisés nyikajpxën ma ja ënä'ämën ojts tkuja'ayën ets näjyëtu'un ma ja Tios ja kyäjpxynyajxpë tjaaytyën. Yë'ë ja Jesús, Nazaretëtë ja'ay, José myaank.

Juan 1:46

Ënät ja Natanael y'ënäny: Nazaret. ¿Wä'än ja'ay jam jëtu'unpë pyëtsëmëtyë? Ets ja Felipe y'ëtsooy: Min ets xy'ixëty.

Juan 1:48

Ënät ja Natanael tyajtëëy: ¿Wi'ix mijts xy'ixy'ätyës? Ets ja Jesús y'ëtsoowë: Naamka'anëm ënäty yë Felipe mëkäjpxyënëm, ko të n'ixy ma higo pa'tkën.

Juan 12:21

Yë'ë ojts nimintë ja Felipe, mëti'ipë kukajpn'ajtpën Betsaida, Galilea y'itjotm tääts tmëpëjktsoowtë: Wintsën, Jesús n'ixantëpës.

Juan 12:22

Tääts ja Felipe tsyo'ony ets ojts tuk'ëwaanë ja Andrés ets nimäjtsk tuk'ëwa'anëtyë ja Jesús.

Juan 6:5

Ko Jesús t'ijxy ko may ja ja'ay nyiminyë ets t'ënëmaay ja Felipe: ¿Ma ënät ja kääky uuky nju'uymyëty ets ya'atë mayjyä'äy kyäytyëty?

Juan 6:7

Ënät ja Felipe y'ëtsooy: Nimäjtsk mëko'px denario kyamëta'akëty ets ja tsajpkääky yajtukjuyëty ets yajmo'otëty këëkyiin këëkwään ja ja'ay.

Hechos 1:13

Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.