Juan 1:3 - Biblia Mixe de Quetzaltepec

³ Yë'ë mëët ja Tios ojts tyajkojta'ay winë; ka'ap ojts tii kyojy pën ka'ap ënäty yë'ë jam.

Biblia Dc en Mixe de Quetzaltepec

³ Yë'ë mëët ja Dios ojts tyajkojta'ay winë; ka'ap ojts tii kyojy pën ka'ap ënety yë'ë jam.

Juan 1:3 ပူးပေါင်းရင်းမြစ်များ

Génesis 1:1

Ko tsyo'ontäky, Tios yë'ë ojts tyajkojy ëka'any yë tsajp ets naaxwiinyëtë.

Génesis 1:26

Paaty y'ënäny: Tyam tsojk ënät nyajkojëm yë naaxwiinyëtë ja'ay. Jëtu'un y'ixë'atëty tä ëëtsajtëmën. Myëët'atëp yë ënä'ämën kutujkën ma nëë jëyujkën, ma joon jëyujkën, ma ja jëyujkën mëti'ipë tsënaaytyëpën ma jëën tëjkën ets aay joty ujtsjotypë. Näyjyëtu'un myëët'atëp yë ënä'ämën kutujkën ma ja jëyujkën mëti'ipë myox tyukye'epyën.

Salmos 102:25

Mijts ojts xyajkojy tëëyëp yë naaxwiinyëtë, ets mijts ojts näjyëtu'un kë'ëm xyajkojy yë tsajp.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Proverbios 8:30

ëjts tam'ajtpës ënäty, mëtoopë käjpxykyupëjkpës ënäty näpyëjktä'äkyë ma yë'ëjën. Mëët ëjtskyëjxm janty jotkujk ënäty yajpaaty, janaam jatsojkës ijty nwin'ëyi'iky nwinkëyetsy.

Isaías 45:12

Ëjts të nyajkojta'ayës tëkokyë yë naaxwiinyëtë ets naaxwiinyëtë ja'ay. Nkë'ë n'aawës mëët të nwijtstëyës yë tsajp ets të n'ënä'ämta'ayës ja xëëw, po'o ets ja mëtsa'a.

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Juan 1:10

Ja Aaw Ayuk tää ënäty yajpaaty naaxwiiny; e oy ja Tios ojts tjayajkojy ja naaxwiinyëtë mëët ja Aaw Ayuk, kä'äp ojts ja naaxwiinyëtë ja'ay y'ixkäpyë.

Juan 1:2

Yë'ë tämyëm mëët ja Tios y'ity ka'anëm ënäty tii kyojynyëm.

1 Corintios 8:6

Mëët ëëts'ajtëmë, tu'ukyë je'eyë ja Tios, ja Tios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Efesios 3:9

Ja Tios, mëti'ipë tu'kë'ëyë winë yajkojën, yë'ëjës të xytyuknipëky etsës ja ja'ay ntuk'ëwaanëtëty mëti'ipë tyuknipëjktakëpën, mëti'ipë ijty ja ja'ay ka'ap nijawëtën.

Hebreos 11:3

Mëpëjkën ojts mëët nnija'awëmë ko ja Tios ojts tyajkojy ja naaxwiinyëtë mëët ja y'aaw y'ayuk, paaty mëti'ipë tyam n'ijxëmën, ka'ap ijty tëëyëp yaj'ixy ma ka'ap kyojynyëmën.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Tios yajkojën.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.