Josue 9:3 - Biblia Mixe de Quetzaltepec

³ E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënäty të y'ëti'ityën ja Josué jam Jericó ets Aí.

Biblia Dc en Mixe de Quetzaltepec

³ E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënety të y'ëti'ityën ja Josué jam Jericó ets Aí.

Josue 9:3 ပူးပေါင်းရင်းမြစ်များ

2 Samuel 2:12

Ënät yë Abner tsyo'ony jam Mahanaim ets ojts nyijkxy jam Gabaón mëët nitëkokyë ja tsyiptuunpëtëjk mëti'ipë myëtuuntëpën ja Is-boset.

1 Crónicas 12:4

näjyëtu'un ja Ismaías, mëti'ipë Gabaón ja'ayën, jotmëkja'ay näjyëtu'un y'ijty, ojts yajpëjktä'äky ets ja myëku'uk näjyëtu'un tnikopk'atëty; mëti'ipë xyëëwajtëpën Jahaziel, Johanán, Jozabad jampë tsyoonyën Guederá,

2 Crónicas 1:3

Ko jëtu'un nyiye'eypyäjtaaytyë ënät tsyo'ontë tu'ukmukyë ets nyëjkxtë jam Gabaón, ma yajpaatyën ja wit tëjk ma ja näpyaatë y'ityën mëët ja Wintsën, mëti'ipë ënäty ja Wintsën ja myëtuunpë Moisés të t'oytyunyën jam të'ëts'itjotm.

Jeremias 28:1

Ma mëkoxk po'o y'apetyën, nän yë'ë jëmëjtpë, jää ma mëmajktaxk jëmëjt y'apetyën ma Sedequías yajkutukyën jam Judá, yë Hananías käjpxynyajxpë, yë Azur yë myaank, mëti'ipë jam Gabaón kukajpn'ajtpën, ojts tninëjkxy yë Jeremías ma ënäty jam tsajptëkotm yajpaatyën, ma ënäty näjyëtu'un jam yajpaatën wiinkëtypë teetytyëjkëty ets ja'ayëty mëti'ipë jam kunaax'ajt kukajpnajtëpën ets t'ënëmaay:

Josue 10:1

Yë Adonisédec mëti'ipë ënäty jam ënä'ämpën Jerusalén, ko tnija'awëy ko yë Josué tëë tyajkutëkoy yë Aí kajpn mëët ja nyiyajkutujkpë, ijxtëm ja Jericó kajpn tyajkutëkooyën mëët ja nyiyajkutujkpë ets ko yë Gabaón ja'ayëty tëë mëët nyäpyëkëtë yë Israel ja'ayëty ets tyam tu'ukyë yajpatnëtë. Ko tnija'awëy ko yë Gabaón ja'ayëty tëë mëët nyäpyëkëtë yë Israel ja'ayëty, ni'ikyë ojts tsyë'ëkëtë, jä'ä ko nyija'awëtëp ënäty yë Gabaón ja'ayëty ko jotmëk ijtyëty ets kyajpnëty mëj'äämpy yajpaaty këtiinëm jyëtu'un'atë yë Aí kajpn.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënäty jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënäty jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:30

Yë Wintsën ojts kë'ëm tim kyë'ëyäky ya'atë naax kajpn mëët yë nyiyajkutujkpë ma Israel ja'ayëtyën. Ni pën ojts jam kyawë'ëmy juuky, wa'ats y'o'ktaaytyë. Ja yajkutujkpë jampë ijty y'ëne'emyën, jëtu'un ojts tyaj'ooktë tä tyaj'o'ktën ja Jericó yajkutujkpë.

Josue 11:19

Yi'iyë ojts wyi'imy ja Gabaón kajpn, ma ja Heve ja'ay tsyëënëtën, mëti'ipë mëët ja käjpxytyu'unën tyuuntën ets mëët nyäy'ënanëtë ko ka'ap yaj'ooka'anëtë. Tëkokyë ja wiinkëtypë ja kajpn atsip ojts tnitëkëtë.

Josue 18:25

Ëpëky ja kajpn mëti'ipë xyëëwajtëpën Gabaón, Ramá, Beerot,

Josue 21:17

Tääts näjyëtu'un ojts yajmooytyëpë mëti'ipë ja Benjamín nyaax'ajtyp kyam'ajtypyën, ja kajpn jä'ä txëëwatë Gabaón ets Gueba,

Josue 9:17

Ko jëtu'un tnija'awëtyë ënät tnitso'ontë, kom tëkëëk xëëw jam jyajtë ma ja kyajpnëtyën ja Gabaón ja'ayëty, jä'ä ja kajpn txëëwatë Gabaón, Quefirá, Beerot ets Quiriat-jearim.

Josue 9:22

E ja Josué ojts tyajtëy ja Gabaón ja'ayëty ets t'ënëmaay: ¿Tiijës ko të xywyin'ëëntë ko m'ëna'antë ko jëkäm'it mtsoontë ets pën yääyëtëm winkon mtsëënëtë?

Josue 9:4

Ënät tuknipëjktakëtyë ets twin'ëëna'antë. Tää tyu'utëjkëtyë ma kyëruktsëtyën. Yë'ë tyukniwë'ëntë tuk xa'k, näjyëtu'un po'o ak a'ukën këëtspë ets axuyëpë.