Josue 9:10 - Biblia Mixe de Quetzaltepec

¹⁰ ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Biblia Dc en Mixe de Quetzaltepec

¹⁰ ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Josue 9:10 ပူးပေါင်းရင်းမြစ်များ

Josue 12:4

Og mëti'ipë jam ënä'ämën Basán, ja Refa ja'ay mëti'ipë ënäty jam jaakyajpatpën Astarot ets Edrei.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënäty të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

1 Crónicas 6:71

Guersón yë jyä'äy, jëtu'un tä nyimayajtën, yë'ë ojts yajmo'otë ja kajpn mëti'ipë yajtijpën, Golán, jam yajpaaty ma Basán y'itjotmën ets ja Astarot kajpn, mëti'ipë ënäty të tjä'ä'atën ja nikujkwä'kxypyë jyä'äyëty Manasés, aakmëët ja nyijëyujk tënaaytyakn.

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

Números 20:14

Jam Cadés jam ënäty yajpaaty yë Moisés, ko tkejxy nimäjtsk nitëkëëk yë kukäjpxy jam ma yajkutujkpën, mëti'ipë jam ënä'ämpën Edom ets t'ënëëmëtëty: Yë mjëëky mëku'uk yë'ë ya'atë aaw ayuk mtuknikäjxëtëp ets m'ënë'ëmxëty: Ko mijts wa'ats xy'ixy xynyijawë, wi'ix ëëts ja ëyo'on jotmay nmënax nyajnaxtën.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Tios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

Josue 9:11

Paaty ëëts yë nmëjja'aytyëjkëty ets nmëkunaax nmëkukajpnëty të xy'ënëëmëtës: Nipëjktaakëtë ets ixtë mëti'ipë mëtu'uye'eytyëpën ets nëjkx xy'ixtë ma jam yajpaatën ets xy'ënëëmëtëty ko yë'ë mnimiintëp ets yë'ë nyija'ap tii xytyuktuna'anëmë ets pën kyupëjkpy ets jeexyë ja käjpxytyu'unën mëët ntu'unëmë.

Josue 13:31

Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënäty nyiwinë'atën.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.