Josue 9:1 - Biblia Mixe de Quetzaltepec

¹ Yë yajkutujkpëtëjk mëti'ipë jam ënä'ämtëpën ma Hit ja'ayëtyën, Amor ja'ayëtyën, Canaán ja'ayëtyën, Ferez ja'ayëtyën, Heve ja'ayëtyën ets Jebús ja'ayëty ojts tnijawëtë wi'ix ënäty të jyäty të kyëpetyën jam Aí. Ya'atë yajkutujkpëtëjk jam ënäty tsyëënëtë anajnytsyow'äämpy ma ja Jordán mëjnëëjën ets tëkokyë ma ja kopkjotmën, ma ja joyjyotmën ets jampaat ma ja Mejyën Naax'akujkpyë pya'ajën ets tyimja'ty jam ma ja Líbano y'itjotmën.

Biblia Dc en Mixe de Quetzaltepec

¹ Yë yajkutujkpëtëjk mëti'ipë jam ënä'ämtëpën ma Hit ja'ayëtyën, Amor ja'ayëtyën, Canaán ja'ayëtyën, Ferez ja'ayëtyën, Heve ja'ayëtyën ets Jebús ja'ayëty ojts tnijawëtë wi'ix ënety të jyäty të kyëpetyën jam Aí. Ya'atë yajkutujkpëtëjk jam ënety tsyëënëtë anajnytsyow'äämpy ma ja Jordán mëjnëëjën ets tëkokyë ma ja kopkjotmën, ma ja joyjyotmën ets jampaat ma ja Mejyën Naax'akujkpyë pya'ajën ets tyimja'ty jam ma ja Líbano y'itjotmën.

Josue 9:1 ပူးပေါင်းရင်းမြစ်များ

Números 34:6

E ja tsëpa'an mëti'ipë naxëpën anajnytsyow, jam nëjkx nyäxy ma ja mëjnëëpa'ajën mëti'ipë xyëëwajtypyën Naax'akujkpë mejy.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Josue 3:10

Ya'atë jëtu'un yajtuk'ixëp ko yë Tios juukpyë tyaa yajpaaty mëët miitsëty, ma ënäty mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

Éxodo 23:23

Yë nkukexyës yë'ë mwinye'eyanëp ets yë'ë nëjkx jam myajja'tyë ma ja y'itëtyën nyaaxëtyën ja Amor ja'ayëty, Hit ja'ayëty, Ferez ja'ayëty, Canaán ja'ayëty, Heve ja'ayëty ets Jebús ja'ayëty; mëti'ipës nyajkutëkooytya'ajantëpën mëët tu'kë'ëyë yë tyikts y'aatsëty.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënäty jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.

Josue 23:4

Tëës yë naax nyajwa'kxta'ay ma miitsëtyën ets aak ijxpëtsëmy të nyajwä'kxyës. Ka'ap ënät yi'iyëty të nyajwä'kxyës mëti'ipë të yajniwä'äkyën, näjyëtu'un të nyajwä'kxyës mëti'ipë ka'ap yajniwä'äkynyëmën. Tä ja mëti'ipë jam tso'ontakpën ma Jordán nëë jyënäkyën ets jyä'ty a'oytsyow ma ja Mejyën Naax'akujkpyë.

Josue 22:7

Yë Moisés tëë ënäty ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënäty ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Josue 15:12

Jëtu'un jyëjpkëxy ja tsëpa'an jamtsowpë yajpaatyën awinmtsow, ja Mejy Naax'akukpë, jä'ä ijty tsëpa'an'ajtp. Ya'atë tsëpa'an ma ja it naaxwiinyëtën mëti'ipë ojts ja Judá ja jyä'äy tyuka'ajëtën ets jëtu'un ojts nyätyuknikäkëtya'ajëtë tä ënäty nyimay'atën.

Josue 13:5

Jaakwë'ëmp näjyëtu'un ja y'it nyaaxwiinyëtëty ja guiplitës ja'ayëty, tëkokyë Líbano itjot, tyimnëjkxy a'oytsyow'äämpy, tsyo'ontä'äky jam Baal-Gad ma ja Hermón kopk ja pya'tkën ets jyä'ty ma tsyo'ontä'äkyën ja Hamat ja nyaaxjot.

Josue 11:17

Ojts tniwä'äky ja naaxwiinyëtë jampë yajpaatyën Halac, ma mëët nyäpyäätyë yë Seir, jampaat Baal-gad, ma ja joyjotmën mëti'ipë Líbano nyitënääpyën ets tyim'ixkëtä'äky jam ma Hermón kopkën. Josué wa'ats tmajtstaay ets tyaj'o'ktaay ja jampë ja yajkutujkpëtëjk,

Josue 10:23

Ja Israel ja'ayëty ojts tjantyyajku'ëwa'atstë ja aank ets tju'të ja yajkutujkpë mëti'ipë ënä'ämtëpën jam Jerusalén, Hebrón, Jarmut, Laquis ets Eglón.

Josue 5:1

Tëkokyë yë yajkutujkpëtëjk mëti'ipë ënäty jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënäty ja Tios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Josue 3:17

Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënäty yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Tios ja tyuunpë, të mo'ojëtën.

Josue 1:4

Miits nmo'ojantëp yë it naaxwiinyëtë jampë tsyo'ontä'äkyën ma të'ëts'itjotmën, nyäxy jam Líbano ets jyä'ty jam Éufrates, miits nëjkx xyjyä'ä'ajta'atë yë nyaaxjotëty yë Hit ja'ayëty ets jampaat ma Mejyën naax akujkpyë.

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Deuteronomio 4:49

Yë'ë nyitënääpy tëkokyë yë Arabá, mëti'ipë wë'ëmpën jam ëpa'tkë'ëmtsow ma ja Jordán nëëjën ets jyä'ty jam ma ja Ookymyëjmejyën, jam Pisgá kopk'ëjxm.

Deuteronomio 3:25

Tun yë mëyajtën, tyam nmënu'kxtä'äky; yajnajxkës jam nëë'awinm ma Jordán nëëjën. Tuk'ijxkës tampë yë naax oypyë tsujpë, ma ja tun kopk janty oypyë yaj'ixyën ets ja Líbano y'it nyaaxwiinyëtën.

Éxodo 34:11

Tuntë mëti'ipë të ntuk'ënä'ämtën, ëjts n'ëxkäxäämpyës yë Amor ja'ayëty, Canaán ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Josue 6:27

Yë Josué mëj këjää ojts Wintsën pyutëkëty ets mëj'äämpy muum yajnikäjpxy.

Josue 9:7

Ja Israel ja'ayëty tyaa t'ëtsoowtë ja Heve ja'ayëty: Ëëtsëty wi'ixës n'uknijawëtëty pën janty jëkäm'itën mtsoontë, wä'änxyëp muum winkon mtsëënëtë; ¿E wi'ix jëtu'un ja käjpxytyu'unën ëëts n'ëktuntëty mëët miitsëty?

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

2 Samuel 24:7

Ko jam t'aye'eytyääytyë tääts ojts nyëjkxtë ma ja Tirë kajpnën ets tukjëtijtëtyääytyë ja Heve ja'ayëty ets ja Canaán ja'ayëty ja nyaax kyajpnjotmëty, tyimpëtsëëmtë jam ëpa'tkë'ëmtsow ma ja Judá nyaax kyajpnën ets jyajtë Beerseba.