Josue 8:35 - Biblia Mixe de Quetzaltepec

³⁵ Josué wa'ats tkajpxtaay ja aaw ayuk ma ja naax kajpnën mëti'ipë ënäty ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.

Biblia Dc en Mixe de Quetzaltepec

³⁵ Josué wa'ats tkajpxtaay ja aaw ayuk ma ja naax kajpnën mëti'ipë ënety ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.

Josue 8:35 ပူးပေါင်းရင်းမြစ်များ

Deuteronomio 31:12

Ënät nëjkx myiinta'atë ja'ayëty mëjja'ay mutskja'ay, yä'äy to'oxy ets jaaypyaat jaaypyo'kxy, mëti'ipë tsënaaytyëpën ma miitsëtyën ets tmëtoow'itëty ja ënä'ämën jëtu'un tnijawëtëty wi'ix twinkutsë'ëkëtëty ja Wintsën ets tuntëty winë tä ja ënä'ämën myinyën këxja'ay.

Nehemías 8:2

Ma ja mëmajkpo'opë tyu'uk'anyën, jää ojts ja teety Esdras tmëminy ja noky ma jap myinyën kuja'ay ja ënä'ämën kutujkënën ets tukwinkukajpxëy ja ja'ay mëti'ipë ënäty jam të nyiye'eypyetyën naaxwiinyëtë ja'ay to'oxytyëjk mëti'ipë kujk yajxon myääynyëtën tyajnëtën;

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Tios ojts nja'amyätstës.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Joel 2:16

yajmuktë yë Wintsën yë nyaax kyajpn ets yajwa'atstë yë mjuukyajtënëty; winwoowmuktë yë mëjja'aytyëjk, yë pi'k ëna'ktëjkëty ets mëxu'unktëjkëty mëti'ipë tsi'tspnëmën. Yë'ëpaat yë mëti'ipë naanpëkëtyën wä'än jap tpëtsëmtë ma tyëjkëtyën ma jap mya'atë pyo'kxtën.

Esdras 10:1

Tam ënäty ja Esdras jyiiytyä'äky nyu'kxtä'äky koxtänë ma Wintsën Tiosën jam tsajptëkotm, ko nyimiinë ja Israel ja'ayëty ye'etyëjkpë to'oxytyëjkpë, näjyëtu'un tyëjkëtyë jëëytyakpë nu'kxtakpë.

Deuteronomio 29:11

ja mëjja'ay mutskja'ayëty, yä'äy to'oxyëty, jaaypyaat jaaypyo'kxyëty, mëti'ipë yajpatëpën ma miits yë mnaax mkajpnëtyën ets mëti'ipë tyuunk'ajtëpën ja nija'axk ets nëë nikoonk nëë niwijtsk.

Hechos 20:27

jä'ä ko tëë xëmë ntuk'ëwaanëtë mëti'ipë ja Tios tsyojkpyën, ka'apës tii të nkuyu'utsy.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

Éxodo 12:38

Ojts kanaakpëky yë ja'ay pyanëjkxëtë, wä'än yë'ëjëty yë ka'apë ënäty y'Israel ja'ayëtyën ets janty nimay ojts näjyëtu'un yë tsajppaxëty, kupixynyëty ets jëyujkëty, tsajpkaajëty tyajnëjkxtë.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Tios yajpaaty ma miitsëtyën.

Deuteronomio 29:9

E paaty yam n'ënëëmëtë ets xypyatuntëty ya'atë aaw ayuk, tä yam yaj'ëëwkëxy yajkajpxkëxyën ya'atë käjpxytyu'unën, mtuntëp jëtu'un ets jotkujk mjuuky'atëty ets aak'oy wyimpëtsëm jyëjpëtsëmëty ja mëti'ipë ënäty mtuknipëjktakëtëpën.

Deuteronomio 29:10

Tyam jëtu'un yaa myajpaatë ni'ëmukë Wintsën wintuuy, mëti'ipë mTiosajtëpën. Yajpatëp yë mëjja'aytyëjkëty, mëti'ipë nyikopk'ajtëpën ja jyä'äjëty, ja tsiptuunpë wintsënëty, tëkokyë yë Israel ye'etyëjktëjk,

Nehemías 8:3

jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.