Josue 8:33 - Biblia Mixe de Quetzaltepec

³³ Tëkokyë ja ja'ayëty jam nyäpyëjktakëtë, ma ja kaaxën mëti'ipë ja käjpxytyu'unën myë'ijtypyën mëti'ipë ja Tios jyä'ä'ajtypyën, yë kukajpn ets jaaypyaat jaaypyo'kxyëty. Näyjyëtu'un ja mëjja'aytyëjkëty, ënä'ämpëtëjkëty ets ja tsiptuunpë wintsëntëjkëty. Jëtu'un ja näkyënu'kxë tpaata'antë ni'ëmukë, jam ma ënäty ja teetytyëjkëty mëti'ipë Leví ja'ayëtyën myëtënaaytyëpën kyejkyijxyëty. Nikujkwä'kxy jam yajpaatë ma ja Guerizim kopkën, ets ja kujkwä'kxy jam yajpaatë ma ja Ebal kopkën, jëtu'un tä ënäty tëëyëp yë Moisés të tni'ënä'ämën, ja Wintsën ja tyuunpë.

Biblia Dc en Mixe de Quetzaltepec

³³ Tëkokyë ja ja'ayëty jam nyäpyëjktakëtë, ma ja kaaxën mëti'ipë ja käjpxytyu'unën myë'ijtypyën mëti'ipë ja Dios jyä'ä'ajtypyën, yë kukajpn ets jaaypyaat jaaypyo'kxyëty. Näyjyëtu'un ja mëjja'aytyëjkëty, ënä'ämpëtëjkëty ets ja tsiptuunpë wintsëntëjkëty. Jëtu'un ja näkyënu'kxë tpaata'antë ni'ëmukë, jam ma ënety ja teetytyëjkëty mëti'ipë Leví ja'ayëtyën myëtënaaytyëpën kyejkyijxyëty. Nikujkwä'kxy jam yajpaatë ma ja Guerizim kopkën, ets ja kujkwä'kxy jam yajpaatë ma ja Ebal kopkën, jëtu'un tä ënety tëëyëp yë Moisés të tni'ënä'ämën, ja Wintsën ja tyuunpë.

Josue 8:33 ပူးပေါင်းရင်းမြစ်များ

Deuteronomio 11:29

Ko ënäty yë Wintsën mëti'ipë miits mTiosajtëpën jam të myajja'tëtë ma tääpë it naaxwiinyëtën mëti'ipë mjä'ä'atantëpën, yë näkyënu'kxë jam nëjkx xykyëxkajpxtë ma Guerizim kopkën, e yë näpyokë jam nëjkx xykyëxkajpxtë ma Ebal kopkën.

Deuteronomio 31:12

Ënät nëjkx myiinta'atë ja'ayëty mëjja'ay mutskja'ay, yä'äy to'oxy ets jaaypyaat jaaypyo'kxy, mëti'ipë tsënaaytyëpën ma miitsëtyën ets tmëtoow'itëty ja ënä'ämën jëtu'un tnijawëtëty wi'ix twinkutsë'ëkëtëty ja Wintsën ets tuntëty winë tä ja ënä'ämën myinyën këxja'ay.

Deuteronomio 31:9

Ënät yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

Josue 24:1

Ënät yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Josue 4:18

Tim je'eyë ojts pyëtsëmtë ja teetyëty jap nëëjoty ma ja Jordán nëëjën ets wya'ak'o'oyëtyë jam nëëpë'am, ënätyë ojty ja nëë jatëkok nyämyukyë ets pyëyë'ktso'ontë janty kom, jëtu'un tä ënäty të y'ëk'ijtpën.

Josue 3:3

Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Tios yë kyaaxë, miitsëty ënätyë xypyatsoontëty.

Deuteronomio 31:25

Ënät t'ënëmaay yë Leví ja'ayëty mëti'ipë të yajtuknipëktën tpakë'ëtëty ja kaaxë, mëti'ipë myë'ijtypyën ja Wintsën ja kyäjpxytyu'unën.

Números 15:29

Ya'atë ënä'ämën tunëp ma Israel ja'ayëty ets ma ja jaaypyaat jaaypyo'kxyën mëti'ipë tsënaaytyëpën ma miitsëtyën, pën ka'ap tsyokyëty të pyokytyuny.

Números 15:16

Tu'ukyë mëpaat je'eyë ënä'ämën y'ity ets tu'kjëjpyë mëti'ipë yajpatunëpën ma miitsëtyën ets ma jaaypyaat jaaypyo'kxëtyën.

Éxodo 12:49

Ya'atë ënä'ämën tunëp ma ja kunaax kukajpnëtyën ets ma ja jaaypyaat jaaypyo'kxyën, mëti'ipë jam tsënaaytyëpën ma miitsëtyën.

Josue 23:2

Ënät ojts yë Josué tmëkajpxta'ay yë mëjja'aytyëjk, ëna'ktëjk, tsiptuunpëëwintsëntëjk ets tëkokyë yë Israel ja'ayëty, t'ënëmaay: Ëjts tëëjës nmëjja'ayënë ets nxëëw njëmëjtës kujënajknëp ni'ikyë.

Josue 6:6

Ënät ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Tios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënäty ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënäty ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Josue 3:14

Ënät ja Israel ja'ayëty tsyo'ontaaytyë ma ja wyittëjkëtyën ets tuknajxtë ja Jordán mëjnëë, jëjp'am ye'eytyë ja teetytyëjkëty mëti'ipë ja kaaxë kyiiynyëjkxtëpën mëti'ipë ja käjpxytyu'unën myë'ijtypyën. E tim je'eyë ja teetytyëjkëty nyëëkuwa'ktë ets ja tyeky tyajxo'ktë jëtu'unyë ja nëë wyimpëtijtmujky ets ojts jamtsow kyuye'eyë anëkëjxytsyow ma Adam kajpnën mëti'ipë winkon wë'ëmpën mëët yë Seredán kajpn, tääpë kajpn napotsy ijty. E ja nëë'aaw mëti'ipë jam ja'ajtpën ma ja Tsaptsmejyën ojts tyimnëjkxy, koonëm pyëyë'ktaay. Jëtu'un'äämpy ojts ja mëjnëë nyäwyä'kxyë ets ja Israel ja'ayëty tuknajxtëy të'ëts wa'ats winkon ma Jericó kajpnën.

Levitico 24:22

Ya'atë ënä'ämën tëyajtën nëjkxëp tyuunkpaaty ma ja kunaax kukajpnën ets oy jyamëty ma ja jaaypyaat jaaypyo'kxyën. Ëjts jëtu'un Wintsën, mëti'ipë miits mTiosajtëpën.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Juan 4:20

Ëëts ja nteety n'apëty yaa ijty ja Tios twintsë'ëkëtë ma ya'atë kopkën; e miitsëty jëtu'un m'ëna'antë ko jam Jerusalén mëpaat yë Tios yajwintsë'ëkë.

Números 15:15

Ya'atë ënä'ämën tsoowpatp ma miitsëtyën ets ma jaaypyaat jaaypyo'kxëtyën; yë'ë jëtu'un xëmë ënä'ämën'atëp ma miitsëtyën ets ma m'u'unk m'okëtyën.