Josue 8:31 - Biblia Mixe de Quetzaltepec

³¹ Jëtu'un tä ënäty ja Moisés të tuk'ëne'emyën ja Israel ja'ayëty ma jyaak juuky'ätynyëmën ets tä jap myinyën ma ja ënä'ämën mëti'ipë ja Moisés jyääyën: Ja wintsë'këntyakn ka'apë wyopëtyën kyä'ätsyëtyën. Ënät ja Israel ja'ayëty jam ja wintsë'kën tyajktë, ojts ja tsajpkaa jam tnino'k tnixaamtë ets ja Wintsën tukwintsë'këtyë, jëtu'un tuuntë ja nay'ëëw'oy näykyajpx'oyë.

Biblia Dc en Mixe de Quetzaltepec

³¹ Jëtu'un tä ënety ja Moisés të tuk'ëne'emyën ja Israel ja'ayëty ma jyaak juuky'ätynyëmën ets tä jap myinyën ma ja ënä'ämën mëti'ipë ja Moisés jyääyën: Ja wintsë'këntyakn ka'apë wyopëtyën kyä'ätsyëtyën. Ënet ja Israel ja'ayëty jam ja wintsë'kën tyajktë, ojts ja tsajpkaa jam tnino'k tnixaamtë ets ja Wintsën tukwintsë'këtyë, jëtu'un tuuntë ja nay'ëëw'oy näykyajpx'oyë.

Josue 8:31 ပူးပေါင်းရင်းမြစ်များ

2 Crónicas 35:12

Ja jëyujk on ëpëky tpëjktaktë ets ja ja'ayëty këëkjä'ä tyajktë jam ma wintsë'kën yajyäkyën; jëtu'un tä ja ënä'ämën myinyën mëti'ipë ja Moisés yajwë'ëmën; näjyëtu'un tuuntë ja mëjatyëtypë ja tsajpkaa.

Josue 1:8

Xëmë xymyëmay xymyëtajëty mëti'ipë ja Tios ja y'ënä'ämën tyiyajtën nyikäjpxypën, yë'ë xëmë mja'amyätsëp xëëny koots ets xytyunëty mëti'ipë nyikäjpxypën. Aak oy nëjkx tii mwinpëtsë'ëmxëty ko tii xytyunëty.

Éxodo 24:5

Ënät ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Tios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

Éxodo 18:12

Ënät ja Jetro ojts tu'uk tyaj'ooky yë jëyujk ets tnino'oka'any jam Tios wyintum, tmëjjawëja'any ets tkënu'kxyjyawëja'any ja Tios, ëpëky ojts tkë'ëyäky yë näyoxë. Ënät yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Tios wintum.

Mateo 12:26

Näyjyëtu'un ja ku'oypyë, pën y'ixkejxyp ja myëku'oypyë, tëë ënäty kë'ëm nyäyajwä'kxyë; ¿wi'ixtsën ja myëk'ajtën kyutujkën tmëët'ata'any?

Nehemías 13:1

Jä'ä xëëw ojts yajkäjpxy ma ja mayjyä'äyën ja Moisés ja nyoky, jam yaj'ijxpaty ko yë Amón ja'ayëty ets Moab ja'ayëty ka'ap mëpaat tsyënaaymyuktë mëët yë nTios'ajtëmë yë nyaax kyajpnëty.

Esdras 6:18

Ets tuknipëjktë ja teetytyëjkëty ets Leví ja'ayëty ets jä'ä ja Wintsën jap tmëtuntëty ma ja tsajptëjkën jam Jerusalén jëtu'un tä myinyën kuja'ay jap nokyjoty, ma ja Moisés ja nyokyën.

2 Crónicas 25:4

Je'eyëp ko ka'ap ojts ja y'u'unk y'ëna'k tyaj'o'kë, jä'ä ko yë'ë pyatuumpy ja ënä'ämën tëyajtën mëti'ipë jap miinpën ma ja Moisés ja nyokyën, ma y'ënä'änyën: Ko ja teety ja pyoky ka'ap tjëkyepy yë'ë tkumëtowëty yë y'u'unk y'ëna'k, ëkë ja u'unk ëna'k ja pyoky ka'ap tjëkyepy tkumëtowëty ja teety taak; nitu'ukjaty mëpaat ja'ay yë pyoky tkumëtoy.

2 Reyes 22:8

Tä ja Hilquías, mëti'ipë teety wintsënën, tukmëmëtyäky ja Safán, mëti'ipë ja noky kyëwent'ajtypyën ma jap winë myiinta'ayën kuja'ay, ko tëë ënäty tpaaty tu'uk ja noky jap tsajptëkoty ma myinyën kuja'ay ja ënä'ämën tëyajtën ets tukë'ëtëjkëy ja Safán ets ojts tkäjpxy.

2 Reyes 14:6

Je'eyëp ko ja yu'unk y'ëna'këty ja yaja'ay o'kpë ka'ap ojts tyaj'o'kë, yë'ë ojts tpatuny ja ënä'ämën, ma ja Wintsën y'ënänyën: Yë teety taak ka'ap tjëkyepy tkukëpätëty ja nyëë pyoky ja y'u'unk y'ëna'k ets näjyëtu'un ja u'unk ëna'k ka'ap tjëkyepy tkukëpätëty ja tyeety tyaak ja nyëë pyoky, ja ja'ay mëti'ipë tuuntëkoopyën yë'ë ja kyë'ëmpoky kyukëpätëp.

Deuteronomio 27:2

Ko ënäty jam të mja'ajnëtë ma ja Jordán mëjnëëjën ets ënäty të xypyatnëtë ja naax kam mëti'ipë ja mWintsën Tiosëty mo'ojanëtëpën, nëjkxëp yë tsaa jam kanaak xytyajëtë ets xytyukwinkoytyëty yë jaam, jëtu'unts poop kyëxë'ëkëty.

Deuteronomio 27:8

Jam tsaakëjxm jam nëjkx tëkokyë xykyëxjaaytya'atë ja aaw ayuk, mëti'ipë yam ntukni''ijxëtyëpën ets mëti'ipë të nmo'otën.