Josue 8:28 - Biblia Mixe de Quetzaltepec

²⁸ Josué wa'ats tyajtooytyääy ja Aí kajpn ets xit ko'ow tuuntaay, jëtu'un tä tyampaat kyëxë'ëkyën.

Biblia Dc en Mixe de Quetzaltepec

²⁸ Josué wa'ats tyajtooytyääy ja Aí kajpn ets xit ko'ow tuuntaay, jëtu'un tä tyampaat kyëxë'ëkyën.

Josue 8:28 ပူးပေါင်းရင်းမြစ်များ

Deuteronomio 13:16

Tëkokyë ja wyitëty myeenyëty kajpn itkujky nëjkx xynyipëjkpäjtaayëtë. Ets xyjyëën'ixkonëtëty tu'ukyë mëët ja naax kajpn ets tëkokyë jënu'un jam winë yajpaatyën. Ets pën tëë ënäty ja mmëtsiptëjkëty winë xypyëjkëtë, yajnitooytya'atë ets jëtu'un jam nyaxëty Wintsën wyintum tä jeexyë winë yë'ë yajtukwino'oky yajtukwinxämyën. Tääpë naax kajpn jëtu'un nëjkx wyi'imy xëmëkyëjxm ajit tukjitë ets ni pën nëjkx tka'ëkkoj'o'oyënë.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Jeremias 50:26

Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënäty ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënät nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Isaías 17:1

Jëtu'un ja Wintsën y'ënä'äny: Nëjkxëp ja Damaskë kajpn jëna'a kyutëkoy; xit ko'ow jyata'any.

2 Reyes 19:25

¿E mijts ka'ap xynyijawë, ko ëjts jëtu'un mëti'ipë të tyajkutukyën ets mmëta'akëty ets xytyunëty tëkokyë mëti'ipë të xytyunyën? Ëjts tëëyëpës ntuknipëjktaakë ets tëëjës jëtu'un nyajtuny nyajjatyë; paatykyëjxm mijts may ja naax kajpn të xyaj'atëkoy mëti'ipë ënäty mëk ets ta'tspëky të nyätyijyën, tä të y'awinpijta'atë je'eyë potsykyopkën.

Josue 4:9

Ëpëky ojts yë Josué näjyëtu'un tkoontä'äky majkmäjtsk yë tsaa jap nëëjoty ma ënäty ja teetytyëjkëty të tmëtänëtën ja kaaxë mëti'ipë ja käjpxytyu'unën myë'ijtypyën. Tääpë tsaa jap ojts wyë'ëmtë tyampaat.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

Deuteronomio 13:17

Nitii xykyamëwë'ëmtëty, mëti'ipë ënäty yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.