Josue 8:12 - Biblia Mixe de Quetzaltepec

¹² Josué jä'ä ënäty yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

Biblia Dc en Mixe de Quetzaltepec

¹² Josué jä'ä ënety yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

Josue 8:12 ပူးပေါင်းရင်းမြစ်များ

Génesis 12:8

Ënät ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënäty wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Tios ja xyëëw.

Génesis 28:19

Ma tampë ja it naaxwiinyëtën tam ënäty tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Josue 8:11

Tëkokyë ja ja'ayëty, ja tsiptuunpëtëjkëty mëti'ipë mëët yajpaatën ja Josué, wintuuytsyow ojts tnimintë ja kajpn ets jam anëkëjxmtsow nyäpyëjktakëtë, itkujky yajpaatë ma ja joyjyot mëët ja Aí nyäpyäätyë.

Josue 8:13

Mäjtskpëky ojts nyäyyajwa'kxëtë, tu'kpëky jam anajnytsyow, kajpnpë'am ets tu'kpëky wintuuytsyow ma ja Israel ja'ayëty ënäty të nyäpyëjkta'akëtën, jam anëkëjxmtsow. Yë Josué mëët yë tsyiptuunpëtëjk, koots ojts tmëwinkontë ja kajpn ets jam jyajtë ma ja joyjyot kyujkwä'kxyën.

Jueces 1:22

Ënät ojts ja José ja jyä'äy tnitëkëtë ja Betel kajpn mëti'ipë ijty tëëyëp yajtijpën Luz, jëyëjp ojts tkäjxtë ja'ay ijxpë tuunpë. Yë Wintsën ojts pyutëkëtë.

1 Samuel 15:5

Ënät ja Saúl mëët ja jyä'äy jam tsyo'ontë ets ojts tniwa'aktë ja kajpn mëti'ipë txëëwajtpën Amalec, jam ojts nyäpyëjkta'akëtë winkon ma jam tu'uk ja wokën.