Josue 7:25 - Biblia Mixe de Quetzaltepec

²⁵ Ënät ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

Biblia Dc en Mixe de Quetzaltepec

²⁵ Ënet ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

Josue 7:25 ပူးပေါင်းရင်းမြစ်များ

Génesis 34:30

Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

Génesis 38:24

Kom tëkëëk po'o ojts ja Judá ja ja'ayëty nyimiinëtë ets y'ënëmaayë: Yë Tamar, mijts yë mxäkxy, tëë yë ye'etyëjk myëët'atyë ets të wyi'imy u'unk mëët. Ënät yë Judá mëk jyänty yujk'ënany: Yajpëtsëmtë ets nino'oktë.

1 Crónicas 2:7

Yë Carmí y'u'unk y'ëna'k jä'ä xyëëwajt: Acar, mëti'ipë ojts y'ëyo'onpëjktä'äkyën jam ma ja Israel ja kajpnën ko tnixajëy mëti'ipë ënäty ja Tios të tni'ënä'ämën ets kyutëkooytya'ajëty.

Proverbios 1:19

Jëtu'un kyukëxëja'antë ja atsojkpë, ko tii t'atsoky yë'ë nätyukyaj'o'këp.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

Levitico 20:14

Pën tu'uk ja to'oxytyëjk myëëtko'knääpy ja to'oxytyëjk ja tyaak. Poky jëtu'un ënäty tyuunpy, ja naaxwiinyëtë ja'ay mëët ja to'oxytyëjkëty ets nino'oky nëjkx y'ooktë. Këtii mëpaat ni pën jëtu'unpë nëë poky tuny ma miitsëtyën.

Levitico 20:2

Jëtu'un xy'ënëëmëty yë Israel ja'ayëty: Pën yë'ë Israel ja'ay, ëkë jaaypyaat jaaypyo'kxy mëti'ipë tsënääpyën ma Israel kajpnën ets tkë'ëyäky ja y'u'unk ets tukwintsë'ëkë ja wiink tios mëti'ipë xyëëwajtypyën Moloc. Tääpë ja'ay kuka'atsy nyitëkëty y'ookëty ma myëkukajpnën.

Levitico 21:9

Pën ja teety ja nyëëx näyyajma'tëp kë'ëm ets ja nyini'kx to'knëty. Ja tyeety jëtu'un ënäty kyamëj'ijxyp kyamëjpëjktäkpy, paaty yë'ë kwanë ko ajuukyë nyitooynyëty.

Levitico 24:14

Juut tääpë ja'ay naaxjoty kajpnjoty mëti'ipës të xy'ëxëëktijyën ets tkëxkontëty jam yë kyë'ë ma kyëpajkën, tëkokyë yë ja'ay mëti'ipë të tmëtowtën ets ja naax kajpn yë'ë kuka'atsëtëp.

Gálatas 5:12

Mëti'ipë miits myajwinma'anytyëkooyëtëpën, nikë oy ko jeexyë timkyatstsuktë ja yëtyëjk'ajtënëty.

Deuteronomio 13:10

Kuka'ats, mëët ko ënäty të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënäty mëk myajtëytyunyën.

Deuteronomio 13:11

Jëtu'un'äämpy ja Israel ja'ayëty nijawëtëty ets ja tsë'ëkë tmëët'atëty, këtiipë ja ëxëëkpë t'ëktuuntëkooynyëtëty.

Deuteronomio 17:5

Jam nëjkx ja ja'ay xywyoownëjkxtë ma kutuunkën, mëti'ipë jam yajpatpën ma ja kajpnën ma ja ja'ay tsyëënën, mëti'ipë ënäty ja jëtu'unpë të tuuntëkoyën ets nëjkx yajkuka'atsy.

Deuteronomio 21:21

Ënät nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

2 Tesalonicenses 1:6

Paat'ajtëp ets ja Tios tukumëtowëty mëti'ipë miits myaj'ëyoowëtëpën,

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Tios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Josue 6:18

E miitsëty këtii nitii xytyontëty mëti'ipë yë Wintsën të tyajkutukyën kyutëkoyëty, jä'ä ko tii xytyoontëpëty tsojk naax kajpn ëxëëk jyatëty kyëpätëty ets nëjkx pokymyëët wyi'imy.

Josue 7:15

E mëti'ipë ënäty yajpatpën pokymyëët, ko të tyu'utsy mëti'ipë Tios të tuknipëjktaakën ets kyutëkoyëty, nino'oky nëjkx y'ooky jëtu'unpë ja ja'ay mëët tëkokyë jënu'un ënäty winë tmëët'atyën ets ja y'u'unk y'ëna'k, mëët ko ënäty të tuny mëti'ipë ka'ap tyuunëtyën ets ko ja poky të tmëtëkë ma Israel kajpnën ko të tkumëtoownaxy ja Wintsën ja kyäjpxytyu'unën.

1 Samuel 14:29

Tä ja Jonatán y'ëtsooy: Yë nteetyës ka'ap të wyinma'anypyääty, paaty jëtu'un të y'ënä'äny, ix ëjts janty jotkujkës tyam näjyawëty koos wäänë të një'kxy ya'atë uuxpa'ak