Josue 7:11 - Biblia Mixe de Quetzaltepec

¹¹ Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënäty të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Biblia Dc en Mixe de Quetzaltepec

¹¹ Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Josue 7:11 ပူးပေါင်းရင်းမြစ်များ

2 Reyes 18:12

E paatykyëjxm ojts jëtu'un jyatë kyëpätë jä'ä ko ka'ap tmëmëtoowtë ja Wintsën; ko ojts ka'ap t'ëkja'amyäjtsnëtë ja käjpxytyu'unën ets ka'ap ninu'un tja'akyujkëtyë ja ënä'ämën tëyajtën mëti'ipë ja Moisés, ja Wintsën ja tyuunpë ojts jyatuknipëkëtën tpatuntëty.

2 Reyes 5:24

Ko jam jyajtë jam kopkëjxm ma ënäty jam yajpaatyën ja Guehazí, tääts t'ëxajëy ja mëti'ipë ënäty myëmiintëpën ja Naamán ja tyuunpë ets tpëjkë'ky jap tyëkoty ets nyäjyëkäjpxyë mëët ja ja'ayëty.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënäty të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënäty tëë kyëjxta'ay mya'ta'ay ja tëjkwitsë ets ja tsaa.

Mateo 22:21

Tääts y'ëtsoowtë: Ja yajkutujkpë. Ënät ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Tios mëti'ipë paat'ajtëpën.

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Deuteronomio 17:2

Pën yajnija'ap muum kajpntum tu'uk yë ye'etyëjk ëkë to'oxytyëjk yë'ë tyuunpy mëti'ipë yë Wintsën ka'ap t'oyjyawën ets jëtu'un ka'ap t'ëkwinkutsë'kënë ja käjpxytyu'unën,

Hebreos 4:13

Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënäty yë Tios të tni'ënä'ämën ets kyutëkoyëty, e mëët ko ojts toonpë mëti'ipë ënäty ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:10

Ënät ja Tios y'ëtsoowë: Pëtë'ëk, ¿tii ko mkoxtänë?

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

1 Samuel 14:38

Paaty yë Saúl y'ënäny: Mëjwa'aktë yaa miitsëty ninu'un xynyiwintsën'atën yë tsiptuunpëtëjkëty ets xypyaye'eytyëty pën të pyokytyuny.