Josue 7:1 - Biblia Mixe de Quetzaltepec

¹ Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënäty yë Tios të tni'ënä'ämën ets kyutëkoyëty, e mëët ko ojts toonpë mëti'ipë ënäty ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Biblia Dc en Mixe de Quetzaltepec

¹ Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:1 ပူးပေါင်းရင်းမြစ်များ

Génesis 34:27

Ënät ojts ja wiinkpë jyaak mintë ja Jacob ja myaankëty ma ja kajpnën, e ko nyajxtë ma o'kpëtyën, tä ojts jam tyajpëtsëmtë winë kajpnjoty, jëtu'un ja tsyip y'äkë tyajnajxtë mëët ko ënäty ja y'utyëty Dina të kyayajwintsë'ëkë.

2 Samuel 24:1

Ënät ojts ja Wintsën jatëkok tukjoot'anpëky ja Israel ja'ay, ko ja David tëkatsy ja winma'any tpaty ets ni'ënä'ämëy tkëxjaaytya'atëty tëkokyë jënu'un ja ja'ay jam yajpaatën ma ja Israel ets ja Judá kajpnën.

2 Reyes 5:24

Ko jam jyajtë jam kopkëjxm ma ënäty jam yajpaatyën ja Guehazí, tääts t'ëxajëy ja mëti'ipë ënäty myëmiintëpën ja Naamán ja tyuunpë ets tpëjkë'ky jap tyëkoty ets nyäjyëkäjpxyë mëët ja ja'ayëty.

1 Crónicas 21:7

Yë Tios ka'ap tukjotkëtäky ya'atë jëtu'unpë winma'any, paaty tkexy ja ëyo'on ma Israel kajpnën.

2 Crónicas 24:18

ets yë'ëjëty ojts t'ëxmajtsnëtë ja tsyajptëjkëty, ma yajpaatyën ja Wyintsën Tyiosëty, mëti'ipë y'ëwtajtën ja y'ap y'okëty; wiink tios ojts tpanëjkxtëjkënyëtë; ja Aserá jä'ä ojts t'ëwtajtnëtë. Paatykyëjxm ja Wintsën mëk jyoot'anpëjky, tyukjoot'anpëjk ja Judá ja'ayëty ets ja Jerusalén ja'ayëty,

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Job 35:8

Yë naaxwiinyëtë ja'ay yë'ë m'ëxëëk tuumpy mëët yë mpoky ets pën oy winë të xytyuny yë'ë tyuk'oy'ajtëp.

Eclesiastés 9:18

Ni'ik tsyowpaaty yë ixpëkyajtën këtiinëm yë pujxn mëti'ipë ja'ay myëtsiptuunpyën. Ko tii oy tkatuny mëj këjää ëyo'on jotmay y'ity.

Daniel 9:7

Mijts Wintsën, mwa'atsmës, e ëëtsëty jutië ja'ayëty wintsëtyu'un jëjptsëtyu'un ëëts näjyawëtë; mëti'ipë juuky'ajtëpën jam Jerusalén ets wiinktsowpë yë Israel ja'ayëty, wiinkonëtypë ets jëkämëtypë, mëti'ipë yajpatëpën wiink naax wiink kajpn ma ojts mijts xynyajtswopën.

Levitico 10:6

Ënät ja Moisés t'ënëmaay ja Aarón ets ja myaankëty nimäjtskpë, mëti'ipë xyëëwajtëpën Eleazar ets Itamar: Këtii yë mwaayëty xynyajtsmatsëtëty ets ni mkanänyikëëts mkanäy'ixkëëtsëtëty ko pën y'ookëty tyëkoyëty, këtiipë yë'ë mtukjoot'anpëkëtëty ets m'ëk o'knëtëty. Mëti'ipë tëy mëpaat yë naax kajpn mëk tjawëtë yë'ë ko yë Tios të jyoot'anpëky ets të tyajkëtä'äky ya'atë jëën.

Jonás 1:7

E ja ja'ayëty mëti'ipë yajye'eytyëpën ja kepy nëëwinye'epyë, jëtu'un nyäy'ënanëtë nixim niyam: Tsojk n'ijxpëtsë'ëmëmë suertëjoty ets nija'awëmëty pën yë poky myëët'ajtyp ko ya'atë ëyo'on tyunyë jyätyë. Ënät t'ijxpëtsëëmtë suertëjoty, Jonás ojts tyuka'ayë ja suertë, yë'ëtëm ënäty pokymyëët.

Josue 22:16

Ëëtsëty yë'ë Tios yë nyaax kyajpn yam yë y'aaw y'ayuk nmëmiinëtëpës; ¿Tii ko yë wiink winma'any xypyaatë ets ja Wintsën xymyëtëkoytyë, mëti'ipë yë Israel ja'ayëty Tyios'ajtëpën? ¿Wi'ix ko ya'atë wintsë'këntyakn të xykyojtë ets xykyäjpxy kumëtoownaxtë ja Wintsën?

Josue 22:18

¿Këtiijën mjotkëta'aktë mëët tääpë nëë pokyë? Paaty wiinkpë xytyuun'ëtë'ëtstë ets Wintsën ni'ikyë xymyëjëkämkä'äktë. Pën miitsëty mkäjpxykyumëtoownajxtëp yë Wintsën, jëpom tëë ënäty tnatukjoot'anpëjktaaynyë tëkokyë yë Israel ja'ayëty.

Josue 22:20

Ja'amyätstë ko yë Acán yë Zara myaank ojts yë Tios tmëtëkoy ko ojts tyu'utsy mëti'ipë ënäty ja Wintsën yë'ë të yajtuknipëjktaakën ets mëët yë'ëkyëjxm tëkokyë ja Israel kajpn y'ëyo'onpataay. Tääts yajja'akyukë ko yë Acán ka'ap y'atu'ukëty je'eyë ja pyoky tku'o'këy.