Josue 6:6 - Biblia Mixe de Quetzaltepec

⁶ Ënät ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Tios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Biblia Dc en Mixe de Quetzaltepec

⁶ Ënet ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Dios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Josue 6:6 ပူးပေါင်းရင်းမြစ်များ

Hechos 9:1

Ja Saulo tyim yaj'ookäämpy ënäty ja mëpëjkpëtëjk, paaty ojts tninëjkxy ja teety wintsën,

Josue 6:13

Niwëxtujk ja teetytyëjkëty twinye'eytyë ja Wintsën ja kyaaxë, aakmëët ja xyuxnëty mëti'ipë tyukxuxtëpën. Ja ja'ayëty mëti'ipë tsip'ixyëtyën jä'ä jëjp'am ets ix'am nëjkxtëp. Ja xuxn ka'ap ninu'un y'ëmony.

Josue 6:8

Ja ja'ayëty tyuuntaaytyë tä ënäty ja Josué të tyuk'ënä'ämëtën. Ja niwëxtujkpë ja teetytyëjkëty jä'ä wyinye'eytyëp ja Wintsën ja kyaaxë ets ja xyuxn tukxu'uxtë, e jam ix'am jam ja kaaxë yajmëye'ey.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Josue 3:3

Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Tios yë kyaaxë, miitsëty ënätyë xypyatsoontëty.

Éxodo 25:14

Jap xytyijnaxëty ma ja nyijäänë'ëkën ënäty të xykyëxwopyën mäjtsk'atu'umëty ets yë'ëts mëët yajtukëëyë'ëkëty.

Josue 6:5

Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Josue 6:7

E yë naax kajpn tyaa t'ënëmaay: Miitsëty nëjkxtë jam ma kajpn pa'ajën ets xynya'ëwtitëty. Ja ye'etyëjktëjk mëti'ipë tsip'ixëtyën jam nyëjkxtëty jëjp'am ma ja kaaxë tmënëjkxtën mëti'ipë Wintsën jyä'ä'ajtypyën.

1 Samuel 4:3

Ko yë Israel ja'ayëty jam wyimpijtë ma jyajta'aktën, ënät ja mëjja'aytyëjk y'ënantë: ¿Tii ko yë Wintsën të t'ëwa'atsy ets tyam o'ktëy njajtmëty ma filistejë ja'ayëtyën? Ja'amtë nyajtso'onëmë yë kaaxë jam Siló mëti'ipë ja käjpxytyu'unën myë'ijtypyën mëti'ipë ja Wintsën jyä'ä'ajtypyën. Yë'ë itkujky nyajnëjkxmëp ets xykyuwa'anmëty ma ja nmëtsip'ajtëmën.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënäty jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.