Josue 6:23 - Biblia Mixe de Quetzaltepec

²³ Tä ojts tnitëkëtë ja Rahab ets tyajpëtsëëmtë mëët ja tyaak tyeety jyiiky myëku'uk ets jënu'un ënäty jap yajpaatën ma tyëjkën. Jam tyajnëjkxtë kajpnpë'am ma ka'ap kyutsë'ëkëtyën.

Biblia Dc en Mixe de Quetzaltepec

²³ Tä ojts tnitëkëtë ja Rahab ets tyajpëtsëëmtë mëët ja tyaak tyeety jyiiky myëku'uk ets jënu'un ënety jap yajpaatën ma tyëjkën. Jam tyajnëjkxtë kajpnpë'am ma ka'ap kyutsë'ëkëtyën.

Josue 6:23 ပူးပေါင်းရင်းမြစ်များ

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Tios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Tios ja wyaantakën. Jëtu'un ijty miits yaa naaxwiiny mjuuky'atë, ka'ap ja Tios xynyijawëtë ets nitii xykyajëjp'ixtë.

1 Corintios 5:12

Ka'apës yë'ë xypyaat'aty etsës npaye'eyëty ja wiink ja'ay, Tios yë'ë paye'eyëtëp.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Tios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Hechos 10:28

Ënät ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Tios xytyuknijawë ko ka'ap y'oyëty koos pën ntijëty ëxëëk.

Números 31:19

E tëkokyë pën të yaja'ay'ookyën ets pën yë o'kpë të tonyën, wë'ëmtë jam kajpnpë'am. Wëxtujk xëëw jam m'itëty. Jëtu'un tä miitsëtyën ets näjyëtu'un ja tsumjyä'äytyëjkëty nëjkxëp ja näyajwatsën tpaatë kom tëkëëk xëëw ets ja kom wëxtujk xëëw.

Génesis 18:24

Wä'änxyëp jyajamëty yë wa'ats ja'aytyëjk oy niwëxtyikxymyajkën. ¿Mëët yë niwëxtyikxy majkpë, myajkutëkoyäämpy jëtu'unë, ka'apën xypyokymyä'kxëtyë?

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Josue 2:18

E ko ënäty ëëts nitëkëtë ya'atë naax kajpn yë'ë mkutëyëp ya'atë tsaptswit ma mtëjk nyi'ëwa'atsëtyën maas tyam të xyajkä'äktën. Nëjkxëp xyajtu'ukmujkta'ay ma mtëjkën yë mtaak, mteety, mjëëky mëku'uk ets tëkokyë jënu'un mëët mtu'kja'ayëtyën.

Josue 2:13

yajtsoktëkës mëët ja ntaak nteetyës njëëky nmëku'ukëtyës ets tëkokyë jënu'un winë tmëët'atën. Këtiis xyaj'ook xyajtëkoytyëty.

Génesis 19:29

Jëtu'un ojts kyutëkooytyä'äy yë Sodomë ets Gomorra kajpn ets mëët yë pya'a nyux ma ënäty yë Lot të jyuuky'ätyën, e ojts yë Abraham yajja'amyetsy, paaty jëtu'un ojts yë Lot yajjuuty ëyo'onjoty.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Tios kyamëmëtoowtëpën, jä'ä ko tëë ënäty oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Josue 2:16

Ets t'ënëmaay: Jäätsow nëjkxtë kopkjoty këtiipë mpaatëtëty mëti'ipë m'ixtaayëtëpën. Jam yu'utsy mnäyaj'itëtëty, tëkëëk xëëw, koonëm yë'ë wyimpitëty kajpnjoty. Täänëm mtsoontëty ets mnëjkxtëty.

Jueces 1:25

Ja ja'ay ojts tyukni''ixëtë wi'ix tnitëkëtëty ja kajpn, ets tkupujxtaaytyë ja ja'ayëty mëti'ipë ënäty jap tsënaaytyëpën. E ja ja'ay mëti'ipë ënäty të tyukni''ixëtën ja tu'u wi'ix tnitëkëtëtyën ja kajpn ka'ap ojts tyaj'ooktë.