Josue 6:22 - Biblia Mixe de Quetzaltepec

²² Ënät ja Josué t'ënëmaay ja nimäjtskpë ja ja'ayëty mëti'ipë ënäty ja kajpn ëka'any të t'ixtën: Nëjkxtë yajpëtsëmtë ja to'oxytyëjk mëti'ipë jyot nyini'kx tyo'kpyën, mëti'ipë ojts myu'utsëtën, mëët tëkokyë jënu'un jap mëët yajpaatën, jëtu'un tä ojts mëët xykyäjpxy'atën.

Biblia Dc en Mixe de Quetzaltepec

²² Ënet ja Josué t'ënëmaay ja nimäjtskpë ja ja'ayëty mëti'ipë ënety ja kajpn ëka'any të t'ixtën: Nëjkxtë yajpëtsëmtë ja to'oxytyëjk mëti'ipë jyot nyini'kx tyo'kpyën, mëti'ipë ojts myu'utsëtën, mëët tëkokyë jënu'un jap mëët yajpaatën, jëtu'un tä ojts mëët xykyäjpxy'atën.

Josue 6:22 ပူးပေါင်းရင်းမြစ်များ

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Tios kyamëmëtoowtëpën, jä'ä ko tëë ënäty oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Josue 6:17

Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Ezequiel 17:16

Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Ezequiel 17:13

Ënät ojts tuny tu'uk ja käjpxytyu'unën mëët tu'uk ja myaank ja Judá yajkutujkpë ets tukupëjky ja winma'any ets oy yajkutukëty ets myëët'atëp ja näwyinkutsë'ëkë ma ja Babilonyë yajkutujkpën ets tyajnëjkxtaay tsumy matsy ja ja'ay mëj'äämpyë,

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

2 Samuel 21:7

oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënäty mëët ja Jonatán ja käjpxytyu'unën të tunyën.

2 Samuel 21:2

Ënät ja David tyaxtsooy ja Gabaón ja'ayëty ets mëët myëtyäky. Yë Gabaón ja'ayëty ka'ap y'israel ja'ay'atë, yë'ë Amor y'u'unk y'ok mëti'ipë ojts wyë'ëmtën juuky; ojts mëët yë käjpxytyu'unën tuntë yë Israel ja'ayëty. E ko yë Saúl tyëjkëy yajkutujkpë, mëët ko ënäty yi'iyë tsyojkpy yë Israel ja'ayëty ets jam y'itëty, paaty tjayaj'o'kta'ajany ja Gabaón ja'ayëty.

Josue 9:15

Josué ojts jëtu'unpë ja aaw ayuk tkupëky ets tuuny ja käjpxytyu'unën mëët yë'ëjëty, ënät nyäy'ënanëtë ko ka'ap maa tsip käjpxy tmëët'ata'antë ets jëtu'un ojts tnima'kxtë ja jyuuky'ajtënëty. Näyjyëtu'un ja Israel mëjja'aytyëjkëty ojts t'a'ixëtë.

Josue 6:23

Tä ojts tnitëkëtë ja Rahab ets tyajpëtsëëmtë mëët ja tyaak tyeety jyiiky myëku'uk ets jënu'un ënäty jap yajpaatën ma tyëjkën. Jam tyajnëjkxtë kajpnpë'am ma ka'ap kyutsë'ëkëtyën.

Jueces 1:25

Ja ja'ay ojts tyukni''ixëtë wi'ix tnitëkëtëty ja kajpn, ets tkupujxtaaytyë ja ja'ayëty mëti'ipë ënäty jap tsënaaytyëpën. E ja ja'ay mëti'ipë ënäty të tyukni''ixëtën ja tu'u wi'ix tnitëkëtëtyën ja kajpn ka'ap ojts tyaj'ooktë.