Josue 6:21 - Biblia Mixe de Quetzaltepec

²¹ Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Biblia Dc en Mixe de Quetzaltepec

²¹ Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Josue 6:21 ပူးပေါင်းရင်းမြစ်များ

Jeremias 48:18

Mijts Dibón kajpn, jënak ma myajkutukyën ets mnaaxwäätsëty naaxkëjxy, jä'ä ko mëti'ipë Moab kajpn yajkutëkoyanëpën tää mmëwinkonyë, tëë tyajkutëkooytyä'äy ja mnaax mkajpn mëti'ipë ënäty ta'tspëky yajpatëpën.

Apocalipsis 18:21

Ënät tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

1 Reyes 20:42

Ënät ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënäty ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

1 Samuel 15:8

Ojts tmatsy ja Agag mëti'ipë ënäty jam ënä'ämpën ets ojts tyaj'o'kta'ay ja Agag ja tsyiptuunpëtëjk.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Josue 10:39

Ojts tkupuxtë ja yajkutujkpë mëti'ipë ënäty jam ënä'ämpën ets ja ja'ayëty mëti'ipë jam tsënaaytyëpën, yë'ëpaat ja kajpn tyajtëkooytyë mëti'ipë mëwinkon'ajtëpën. Ma Debir kajpnën ka'ap ojts ni pën juuky wyi'imy, wa'ats ja ja'ayëty y'o'ktaaytyë, jëtu'un tä jam jyä'äjty ma Hebrón kajpnën ets Libná mëët ja yajkutujkpëtëjk.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënäty jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënäty jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënäty ja Tios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Deuteronomio 2:34

Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Deuteronomio 13:16

Tëkokyë ja wyitëty myeenyëty kajpn itkujky nëjkx xynyipëjkpäjtaayëtë. Ets xyjyëën'ixkonëtëty tu'ukyë mëët ja naax kajpn ets tëkokyë jënu'un jam winë yajpaatyën. Ets pën tëë ënäty ja mmëtsiptëjkëty winë xypyëjkëtë, yajnitooytya'atë ets jëtu'un jam nyaxëty Wintsën wyintum tä jeexyë winë yë'ë yajtukwino'oky yajtukwinxämyën. Tääpë naax kajpn jëtu'un nëjkx wyi'imy xëmëkyëjxm ajit tukjitë ets ni pën nëjkx tka'ëkkoj'o'oyënë.

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënäty mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 8:22

Mëti'ipë ënäty ja kajpn të tjëën'ixkonëtën, ojts jam tsyoontë ets tnimiintë mëti'ipë ja Israel ja'ayëty të pyapo'ojëtën. Jëtu'un'äämpy ojts wyë'ëmtë itkujky ja Aí ja'ayëty ets tëkokyë tyaj'o'ktaaytyë.

Josue 9:3

E ja Heve ja'ayëty mëti'ipë tsënaaytyëpën Gabaón ojts tnijawëtë wi'ix ënäty të y'ëti'ityën ja Josué jam Jericó ets Aí.

Josue 11:11

ojts tyaj'o'kta'atë ja ja'ayëty jampë tsyëënëtën, wa'ats winë tyajkutëkooytyääytyë ets tyajtooytyë ja kajpn.