Josue 6:19 - Biblia Mixe de Quetzaltepec

¹⁹ Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Tios jyä'ä'ajtypyën.

Biblia Dc en Mixe de Quetzaltepec

¹⁹ Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Dios jyä'ä'ajtypyën.

Josue 6:19 ပူးပေါင်းရင်းမြစ်များ

Mateo 27:6

Ja teety wintsëntëjkëty ojts ja meeny tkoonë'ëktë ets y'ënantë: Ya'atë meeny ne'pnymyëët yë'ë, ka'ap tjëkyepy jap nkupëjkëmëty ma nyipetyën yë ayajk ako'onën.

1 Crónicas 26:20

Yë Leví ja'ayëty ojts näjyëtu'un yajtuknipëktë ets t'ijx'itëty maajaty winë y'ityën jap tsajptëkoty mëti'ipëjaty tsowëtyën ets mëti'ipë wit meeny may myë'ijtypyën, ja kënu'kxypyë ets ëmaaypyë.

Marcos 12:41

Tu'k'ok ja Jesús nyaaxwe'tsy jam winkon ma ja ja'ay ja meeny t'apëkëtën, jam t'ijx'ity wi'ixëty ja ja'ay ja meeny tpëjkta'aktën. Nimay ja kumeenyjyä'äy mayëty ja meeny t'apëkëtë.

Nehemías 10:38

Ko ënäty ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

1 Crónicas 18:11

David aakyë'ë ojts ya'atë Wintsën tmooytyä'äy, mëët tëkokyë ja pu'ts pujxn ets ja poop pujxn, mëti'ipë pyëjkëyën ja Edom, Moab, Amón ja'ayëty, filistejë ja'ayëty ets ja Amalec ja'ayëty.

2 Reyes 24:13

Ok ja Nabucodonosor tju'taay tëkokyë ja pu'ts pujxn, poop pujxn ets ja wit meeny mëti'ipë jap tsajptëkoty yajpatpën ets ma ja akujktëjkën ets jëtu'un tä ënäty ja Wintsën të t'akäjpxyën. Ojts tjanty tyukë'tsëtyä'äy tëkokyë winë pu'ts pujxnmëëtpë, mëti'ipë ënäty ja Salomón të tyaj'oyën, mëti'ipë jam yajkutujkën Jerusalén ets tuknikojëy ja Wintsën.

1 Reyes 7:51

Ko y'apatëtyääy ja tuunk mëti'ipë ënäty ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënäty ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

2 Samuel 8:11

Yë David aakyë'ë ojts yë Tios tmooytyä'äy winë, tä yë pu'ts pujxn, poop pujxn, tsuxkpujxnën, mëti'ipë muum yajtso'ontëpën ma ja kajpn tmëmëta'aktën:

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

2 Crónicas 31:12

tääts jap tpëjktaktaaytyë mëti'ipë ja ja'ay ënäty të tyaktën ets mëti'ipë ënäty ja Wintsën të yajtuknipëjktaakën. Conanías mëët ja y'uty Simí yë'ë ojts tuknipëktë ets tkëwent'atëty.

2 Crónicas 15:18

ets tpëjktaktaay jap ma Wintsën yë tyëjkën tëkokyë ja pu'ts pujxn ets poop pujxn mëti'ipë ënäty yë'ë të tpaatyën ets mëti'ipë ënäty ja tyeety näjyëtu'un të tpaatyën; aakyë'ë myooytyääy ja Wintsën jap tsajptëkoty.

1 Crónicas 28:12

Ojts näjyëtu'un tmo'oy ja nyinoky wi'ix ja tëjk yajtukpa'akojëtyën, wi'ix ja tëjkwiin y'itëtyën, ma y'itëtyën ja mëti'ipë ja'ay yojxtëpën ets mëti'ipë yajnipëjkpäjtpën ja ëmaayëtypë.

1 Crónicas 26:28

Tap ënäty yajpaaty näjyëtu'un mëti'ipë yajkën ja Samuel, mëti'ipë nasja'apën, mëti'ipë yajkën yë Saúl, Quis yë myaank, mëti'ipë yajkën Abner, Ner yë myaank ets mëti'ipë yajkën Joab, Sarvia myaank. Tëkokyë ya'atë pëjktä'äky mëti'ipë Wintsën të tukmëyoxtën yë'ë ojts yajtuknipëky t'ijx'it tkëwent'atëty yë Selomit ets myëkä'äxtëjk.

1 Crónicas 26:26

Selomit ets myëku'uktëjk yë'ë ojts yajtuknipëktë t'ijx'itëty ma winë pëjkë'ëky y'ityën mëti'ipë yajktën David, tsiptuunpë wintsënëty, mëjja'aytyëjk ets wintsëntëjkëty, mëti'ipë tyukwintsë'këtyën Wintsën.

1 Reyes 14:26

ko jap tyëjkëy tsajptëkoty wa'ats tyajpëtsëëmtaay ja wit meeny ets näjyëtu'un ma ja Kutujkëntëjkën. Wa'ats winë tmä'tstaay ets ojts tmënëjkxta'ay ja pu'ts pujxn mëti'ipë ijty ja tsiptuunpë ja'ay nätyuk akëëytyujkëtëpën, mëti'ipë ja Salomón yajkojën.

Jeremias 38:11

Tääts ja Ébet-mélec tsyo'ontë mëët ja i'px majkpë ja ja'ay, ojts tukwit tpapëky mëti'ipë jamën ma yajkutujkpë maywyit tyaj'ityën ets tuknipijty ja tejpxy mëti'ipë jap jutjoty kyutëëynyajxën,

Números 31:22

Tëkokyë mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn, ëtëyë pujxn ets yu'unk pujxn,

Levitico 19:24

Kom majktaxk jëmëjtnëm ma ënäty tnixëëw'atyën, jä'ä nëjkx yë Tios tëkokyë yë aaytyëëm ujtstëëm yajtukwintsë'këtyä'äy.

Números 31:11

Ets tëkokyë mëti'ipë pyëjkëtyën wä'än yë'ëjëty yë ja'ay ets jëyujk,

Números 31:12

ojts tukninëjkxtë ja Moisés, ja teety Eleazar ets ja naax kajpn, ma ënäty jam tsyëënëtën ja'ayjyotm, mëti'ipë Moab ja'ay nyitënääpyën, winkon ma ja Jordán mëjnëëjën, mëti'ipë wintuuytsyow wë'ëmpën ma Jericó kajpnën.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënäty të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

1 Crónicas 26:27

Mëti'ipë jam pyatën ma tsyiptuuntën mëët ja myëtsiptëjkëty ets yë'ë tuknipëjkë'këtyë ma ja tsajptëjk tmëët'atën.