Josue 5:6 - Biblia Mixe de Quetzaltepec

⁶ Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënäty y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënäty të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Biblia Dc en Mixe de Quetzaltepec

⁶ Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënety y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënety të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Josue 5:6 ပူးပေါင်းရင်းမြစ်များ

Números 14:23

Nitu'uk nëjkx kyaja'të jam ma ja naax kamën mëti'ipës ntukwinwa'anëyën ja y'ap y'okëty. Nitu'uk nëjkx tka'ixy ja it naaxwiinyëtë, mëti'ipës ka'ap të xymyëj'ixy të xymyëjpëjktä'äkyën.

Deuteronomio 2:14

Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënäty ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënäty y'o'ktaaynyëtë, jëtu'un tä ja Wintsën ënäty të tnikäjpxyën mëët ja aaw ayuk kutujkënmëëtpë.

Hebreos 3:11

Paatyës ojts nnikäjpxy koos xyajjoot'anpëjktë: Nijëna'a kyatëkëtëty maas ja npo'kxtaknën.

Deuteronomio 2:7

Yë'ë ja'awëy'itë ko Tios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Deuteronomio 1:3

Ma tyu'uk'anyën ja majktu'uk po'opë, kom wëxtyikxy jyëmëjt ma ënäty ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënäty tsyëënën Hesbón ets ma ënäty näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënät ja Moisés tuk'ëwa'anëy ja naax kajpn, jëtu'un tä ënäty ja Tios të y'ënë'ëmxëtën ets tmooy ja aaw ayuk mëti'ipë mëpaat tpatuntën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Ezequiel 20:15

Näjyëtu'unës jam të'ëts'itjotm n'ënëmaaytyë, ko ka'apës nyajtëkëja'antë ma ja naax kajpnën mëti'ipës të njamo'otën, ma ja it naaxwiinyëtë oypyë tsujpë, ma ja jë'kxy pëky ka'ap y'ëmaaytyä'äkyën,

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Deuteronomio 8:4

Ma wëxtyikxy jyëmëjt nyäjxyën, yë mwit mtujkxyëty ka'ap ojts tsyojk'ëmëjë ets mkë'ë mtekyëty ka'ap niwi'ix jyajtë.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Números 26:63

Ya'atë jaaymyujkën ojts tyajpëtë'ëktë yë Moisés mëët yë teety Eleazar, jam ma ja mëj joyën mëti'ipë yë Moab nyaaxjot'ajtypyën, ma Jordán mëjnëë nyäxyën; yë'ë mëët nyäwyinku'ixëty yë Jericó kajpn.

Josue 5:5

Ja Israel ja'ayëty mëti'ipë jap Egiptë tso'ontën oy ënäty aak tsuky jyayajpaatë, ja mëti'ipë mëxu'unk'ajtën jam të'ëts'itjotm ka'ap ënäty tsyuky'atë.

Josue 5:7

E paaty kyëjxm jëtu'un yë Josué natsujk'ëwtijtaay ja ye'etyëjktëjk ja ye'etyëjk'ajtënëty mëti'ipë ënäty ok të myintën naaxwiiny, mëti'ipë ja Tios pyëjktakën kutëkats ma ja mëti'ipë të y'ooktën, jä'ä ko yë'ëjëty ka'ap ënäty tsyuky'atë, jä'ä ko tu'ujoty yajpaatë.

Salmos 107:4

mëti'ipë ojts ye'eytyëkoytyën të'ëts'itjotm, jinjotm ets ni ma ja në'ë tu'u tka'ëkpatnëtë mëti'ipë nëjkxpën kajpntum ets jeexyë jam tsyënaaytyaknpëktë;

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 24:7

Ënätës ojts xymyëkajpxtë, etsës ojts nyajkootsë itkujky ma yë'ëjëtyën mëët miitsëty, ënätës yë nëë näjyëtu'un najtsmajtsëy ets nyikoonpäjtaaytyë ja Egiptë ja'ayëty. Miitsëty ojts winë kë'ëm xy'ixtë mëti'ipës jap ntuunën Egiptë. Ok ojts jam jeky mjëtijtëpë të'ëts'itjotm.