Josue 5:14 - Biblia Mixe de Quetzaltepec

¹⁴ Ënät ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?

Biblia Dc en Mixe de Quetzaltepec

¹⁴ Ënet ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?

Josue 5:14 ပူးပေါင်းရင်းမြစ်များ

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Génesis 17:3

Ënät ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënäty yë Tios kyäjpxy:

Lucas 20:42

David ojts kë'ëm y'ënä'äny ma ja Salmos: Jëtu'un ja Wintsën t'ënëmaay ja nWintsënës: U'nyë n'aka'any'äämpyës,

Daniel 12:1

Ënät jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënäty jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Daniel 10:13

Yë tsajpjotmëtë kukäjpxy, mëti'ipë mëj'äämpy i'jtpën ma Persië ja'ayëtyën yë'ë të xy'awa'ktukyës I'px tu'uk xëëw; e yë Miguel mëti'ipë ni'ik mëj'äämpy ijtpën ma tsajpjotmëtë kukexyëtyën, yë'ëjës të xynyiminy etsës të xypyutëkë, ëjts tëëjës ënäty nätyu'uk nwë'ëmnë ma Persië yajkutujkpëtyën.

Apocalipsis 12:7

Ënät ja tsip tyuunë jam tsajpjotm; ja Miguel ets ja y'anklës tsiptuuntëp mëët ja mëj tsa'any ets ja mëj tsa'any mëët ja kya'oy anklëstëjk.

Juan 20:28

Ënät ja Tomás y'ëtsooy: Mijts nteety'äjtyp, mijts nTios'ajtyp.

Mateo 22:44

Jëtu'un ja Wintsën t'ënëmaay ja nWintsënës: U'nyë maas n'a'oytsyowën, koonëmës yë mmëtsip nmëmëta'akëty.

Mateo 8:2

Tääts ja ja'ay ojts tu'uk nyiminyë mëti'ipë pu'uts pa'am pëjkëpën ets nyäkyoxtënaaytyakë Jesús wyintuuy ets y'ënäny: Wintsën, pën mtsojkpy, yajtsokës ets yajwatskës.

Daniel 10:21

E tyam yë'ë yam ntuk'ëwaanëjäämpy mëti'ipë jap miinpën kuja'ay ma ja nokyën mëti'ipë myë'ijtypyën ja tëyajtën: Ëjts maas yam ntsiptunyën yi'iyës xypyutëjkëp yë Miguel, yë tsajpjotmëtë kukäjpxy mëti'ipë nyikopk'ajtypyën yë Israel kajpn.

Isaías 6:8

Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Números 16:45

Näjyëpëkëtë ma tääpë ja'ayëtyën, jä'ä ko nyajkutëkoyäämpyës yam ajotkumonë. Tä ja Moisés ets ja Aarón ënätyë nyäkyoxtënaaytyakëtë,

Hebreos 2:10

Tu'kë'ëyë mëti'ipë jää'ajtpën aak Tios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Tios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënät ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Lucas 1:43

Tim pën ëjtsnë ets ja Wintsën ja tyaak xykyu'ixëtyës.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Levitico 9:24

Jëtu'un kyëtäky, tä tu'uk yë mëj jëënyä'änkën ets ojts tukëtä'äky ja jëyujk'ooky ets tyajtooykyëtaktaay tu'kë'ëyë jënu'un ënäty jamën ma ja wintsë'këntyaknën. Ko jëtu'un yaj'ijxy ënät yë Israel ja'ayëty tyëjkëtyë yaxjpë jojkpë mëët ja xoontakën ets tëkokyë nyäjyijtaktaayëtë naaxkëjxy ets ojts ja Tios t'ëwtatë, mëët tu'uk ja näwyintsë'ëkë.

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Génesis 17:17

Ënät ojts yë Abraham nyäjyijtä'äkyë tyimtukpat yë wyimpok yë naax. Tää tukxiky ets myäy tyäjy: ¿Wä'än jëtää ja'ay tyeety'atëty mëti'ipë jyëmëjnën mëko'pxë? ¿Wa'an jëtää Sara u'unk tmëët'atëty ets majkta'px majk yë jyëmëjnë?

Lucas 5:12

Ko ja Jesús ënäty jam yajpaaty ma tu'uk ja kajpnën, ënät jyä'äjty tu'uk ja ye'etyëjk pu'uts pa'am pëjkëp. Ko t'ijxpaty ja Jesús ënätyë nyäkyoxtënaaytyakë Jesús wyintum ets tmënu'kxtäky: Wintsën, pën mtsojkpy, yajtsokës.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Éxodo 4:13

Yë Moisés ni'ikyë y'ënaan'ëtë'ëtsy: Ay Wintsën, yë'ëjës yam n'amëtoopy yë mëyajtën ets wiinkpë xykyäxëty.

Salmos 24:10

¿Pën tääpë yajkutujkpë mëti'ipë myëët'ajtypyën mëj'ajt oyajtën? Yë'ë ja Wintsën mëti'ipë winë maaytyääyëpën, yë'ë ja yajkutujkpë mëti'ipë myëët'ajtypyën ja mëj'ajt oyajtën.

Números 22:31

Tä ja Wintsën tyajkutujky ets ja Balaam t'ixëty ja Wintsën ja tsyajpjotmëtë kukäjpxy, mëti'ipë ënäty jam tënääpyën tu'ujoty, mëët tu'uk yë tëypyujxn kyë'ëjotm. Tä ja Balaam pojën nyäkyoxtënaaytyakë ets nyaaxkooy.

Josue 20:1

Ënät ojts ja Wintsën tmëkäjpxy ja Josué ets t'ënëmaay:

2 Samuel 7:19

Wäänë jëtäätën xy'ixy, ko yë'ëpaat xynyikajpxnë wi'ix myiny wyinkonyën ja n'ënä'ämënës nkutujkënës, wi'ix ja n'u'unk n'okës nëjkx y'ënä'ämtën yajkutuktën. Jëtu'un ijxtëm mijts winë xytyunyën, ka pën mkamëpaatëtëty Wintsën.

2 Samuel 7:20

¿Wi'ix mijts njaak'ënëëmëty? Mijts wa'ats xy'ixy xynyijawë ja njot nwinma'anyës.

Ezequiel 3:23

Ënätës të mpëtë'ëky etsës të nëjkxy jam joyjotm, jamës të n'ixy yë Tios yë myëj'ajt y'oyajtën, jëtu'un tä ënäty të n'ixyënës jam Quebar ma ja mëjnëëpa'ajën. Ënätës nwintäky naaxkooy, ntukpatypyës yë naax yë nwinpokës.

Daniel 8:11

ojts tsipwinkajpxë ja mëti'ipë nyiwintsën'ajtypyën ja tsiptuunpëtëjk; ojts may tyaj'atëkoy ja wintsë'kën jëpom jëpompë yajyäkyën ets ojts tyaj'ëxëëkë ja tsajptëjk.