Josue 5:13 - Biblia Mixe de Quetzaltepec

¹³ Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Biblia Dc en Mixe de Quetzaltepec

¹³ Tëkok ojts jyäty kyëpety, jam ënety yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Josue 5:13 ပူးပေါင်းရင်းမြစ်များ

Números 22:23

Ko ja jëyujk t'ijxy ja Wintsën kyukäjpxy jam tu'u itkujky mëët tu'uk yë tëypyujxn. Ënät ojts t'ëwa'ktu'uty ets äämjyoty kyupëyë'këy. Ënät ja Balaam yajxon ja jyëyujk tukju'pxëy ets atsip tyajwinpita'any.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Números 22:31

Tä ja Wintsën tyajkutujky ets ja Balaam t'ixëty ja Wintsën ja tsyajpjotmëtë kukäjpxy, mëti'ipë ënäty jam tënääpyën tu'ujoty, mëët tu'uk yë tëypyujxn kyë'ëjotm. Tä ja Balaam pojën nyäkyoxtënaaytyakë ets nyaaxkooy.

1 Crónicas 21:30

David ka'ap jam nyëjkxany ets jeexyë ja Wintsën winëjaty tyajtëy, jä'ä ko tëë ënäty mëj këjää y'ëtsë'ëkëty ja Wintsën ja kyukäjpxy mëti'ipë myëët'ajtypyën ja tëypyujxn.

Daniel 10:5

Ënätës ajotkumonë të n'ijxpaaty tu'uk yë ja'ay, yë'ë wyit'ajtyp yë Linë wit ets yë'ë wyëën'ajtyp yë pu'ts pujxn wa'atspë.

Éxodo 23:23

Yë nkukexyës yë'ë mwinye'eyanëp ets yë'ë nëjkx jam myajja'tyë ma ja y'itëtyën nyaaxëtyën ja Amor ja'ayëty, Hit ja'ayëty, Ferez ja'ayëty, Canaán ja'ayëty, Heve ja'ayëty ets Jebús ja'ayëty; mëti'ipës nyajkutëkooytya'ajantëpën mëët tu'kë'ëyë yë tyikts y'aatsëty.

Hechos 1:10

Tam ënäty pya'at'ixtë tsajpjotm ko ja Jesús tsyajpety, mäjtsk ja ye'etyëjk ajotkumonë kyëxë'ktë jam pyë'amëty, aak poopxoxy yaj'ixtë,

Zacarías 1:8

Kootsës nwinkumaay: Nwin'ijxyës tu'uk yë ja'ay, kwaay tyuk'ënyääpy. Jam joyjotm tyänë, ujtsjoty, jëtu'un yaj'ixy ja ujts xunpoxën ets jam ix'am kanaak kwaay nyatänëty, tam mëti'ipë tsaptsën, naje'eyë yëkën ets poopën.

1 Crónicas 21:27

Ënät ja Wintsën ojts tuk'ëne'emy ja kyukäjpxy ets jatëkok tpëjkë'ëkëty ja tyiypyujxn.

Jueces 13:11

Tä ja Manoa ojts ënätyë tpatsoony ja tyo'oxytyëjk ets tninëjkxtë ja ja'ay, ko jam jyajtë ënät tyajtëëy: ¿Janty mijts jëtu'un ojts mëët m'ëk mëtyakpë yë nto'oxytyëjkës? Ets ja ja'ay y'ëtsooy: Jëtu'un, ëjts jëtu'un.

Daniel 8:3

Jëkämës n'ixy, tu'uk yë kupixyny ayääkë jam nëëpë'am. Mäjtsk yë wyaj tmëëtëty, ok ënäty tu'uk të myuxy je'eyëp jaakyeny ets ja kon ja myëku'uk.

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Tios n'ijxëmë.

Josue 6:2

Paaty ja Wintsën t'ënëmaay ja Josué: mijts yam ntukë'ëtëjkëp tääpë naax kajpn mëët yë nyiyajkutujkpë ets tsyiptuunpëtëjk.

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Tios të xymyo'oy të xykyexyën.

Génesis 33:1

Ko yë Jacob t'ijxy ko nyiminyë ja y'äjty Esaú mëët nimajktaxk mëko'px yë mayjyä'äy, ënät ojts twoowä'kxy yë Lea mëët yë Raquel, aakmëët ja y'u'unkëty y'ëna'këty ets ja tyo'oxytyëjktuunpë.

Apocalipsis 1:13

Jamts itkujkm n'ijxyës tyänë ijxtëm ja naaxwiinyëtë ja'ay ja y'u'unkën. Tyeky ix'ampaat ja wyit tyiiykyëtä'äky ets tkatsywyëën'aty tu'uk ja pu'ts pujxn wëën.

Génesis 18:1

Ënät yë Tios ojts nyänyikëxë'ëkyë ma Abrahamën; jam ma ja xoj kepyjyotmën ma txëëwatyën Mamré. Jam ënäty yë Abraham y'u'unyë tyëjkwinm jää jëtää nakujkxyëëwën.

Génesis 28:16

Ko ja Jacob ojts myä'äywyijy ënät ojts myäy tyäjy: Tëytyëm jëtu'un ko Tios yajpaaty ma ya'atë itjotmën. Ëjts ka'apës ënäty nijawë.

1 Crónicas 12:22

Jëpom jëpom ijty ja'ay tpuwa'akëtë ja David, tä ojts myëjwiinëtë kyëjääjëtë, ojts yajxon nyimayënëtë, ets y'awinpijnëtë maytsyiptuunpë ja'ay.