Josue 4:12 - Biblia Mixe de Quetzaltepec

¹² Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënäty tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënäty ja Moisés të tni'ënä'ämën ma ënäty jyaak juukyëtynyëm.

Biblia Dc en Mixe de Quetzaltepec

¹² Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënety tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënety ja Moisés të tni'ënä'ämën ma ënety jyaak juukyëtynyëm.

Josue 4:12 ပူးပေါင်းရင်းမြစ်များ

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Números 1:24

Ma Gad yë jyä'äyën, jä'ä ojts yajmëtyoowpëtsëmtë wëxtyikxy mëkoxk mil ja tëtujk mëko'px ja wëxtyikxy majk.

Números 32:17

E ko jëtu'un n'ëkyaj'oyëtya'atëtyës, kë'ëmës nëjkx ntso'onkojtë, ko muum tiitsip kyëxë'ëkëty, ëëts nëjkx jëjp'am naxtë ma ja tsiptuunpëtëjkëtyën, koonëm jya'tëty ma ja y'it nyaaxwiinyëtyën. E ëëts ja n'u'unk nto'oxytyëjkëty tam ja akujk jotkujk y'ijtëpë ma mëpaat ka'ap wi'ix jyatën kyëpätën ma tampë ja ja'ayëty näjyëtu'un tsyëënëtën.

Deuteronomio 3:18

Ënät ojts ya'atë ënä'ämën miits nmo'otë jä'ä xëëw jä'ä jëmëjt: Yë Wintsën mëti'ipë mTiosajtëpën, yë'ë ya'atë naax kam mooyëtëp ets xyjyä'ä'atëty. Ko tëkokyë mëti'ipë tsiptuuntëpën, wä'än tpëjkë'ëktë mëti'ipë myëtsiptuuntëpën ets twinye'eytyëty yë myëku'uktëjkëty Israel ja'ayëty.

Deuteronomio 33:21

Gad tëë tpëky yë nyaax kyam ma nyitëkëtyën ma tsyëënëtëty yë tsiptuunpë wintsën. Ojts jëjp'am nyäxy ko yë naax kajpn tsyippaty, tëë tjantytyuny tä ja Wintsën y'ënëmaayën, tëy tëtä'äky winë të tuny ma ja Israel kajpnën.

Josue 1:14

Yajwë'ëmtë yaa yë mto'oxytyëjkëty, m'u'unk m'ëna'këty mjëyujk mtsajpkaajëty ma ya'atë it naaxwiinyëtën mëti'ipë yë Moisés mooyëtën ma ka'ap yë Jordán mëjnëë yajtuknaxynyëmën. E tëkokyë yë ye'etyëjkëty wä'än tso'onta'atë ets myëku'uk twinye'eytyëty,

Josue 4:11

ko ja ja'ayëty nyajxtaaytyë ets aaktam ënätyëty nëë'awinm, ënät ja teetytyëjkëty ojts jëjp'am tmënaxtë ja Tios ja kyaaxë ma ja mayjyä'äyëtyën.

Josue 4:13

Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Tios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.