Josue 4:11 - Biblia Mixe de Quetzaltepec

¹¹ ko ja ja'ayëty nyajxtaaytyë ets aaktam ënätyëty nëë'awinm, ënät ja teetytyëjkëty ojts jëjp'am tmënaxtë ja Tios ja kyaaxë ma ja mayjyä'äyëtyën.

Biblia Dc en Mixe de Quetzaltepec

¹¹ ko ja ja'ayëty nyajxtaaytyë ets aaktam ënätyëty nëë'awinm, ënät ja teetytyëjkëty ojts jëjp'am tmënaxtë ja Dios ja kyaaxë ma ja mayjyä'äyëtyën.

Josue 4:11 ပူးပေါင်းရင်းမြစ်များ

Isaías 52:12

Je'eyëp ko këtii janty jëtu'un mtimy'ëtë'ëts mtimy'ëna'antëty jëtu'un tä ja'ay kye'ekyën, jä'ä ko yë Wintsën yë'ë mmajts'itanëtëp oy muum mnëjkxtëty.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënäty jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.

Josue 3:17

Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Josue 3:8

E mijts, tyaa xy'ënëëmëty yë teetytyëjkëty mëti'ipë kyiiytyëpën yë kaaxë, ko jam jya'tëty nëë'itkujky jam wya'ak'oyëtëty.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënäty ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënäty ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Josue 4:12

Ojts näjyëtu'un tuknaxtë ja mëjnëë ja ja'ayëty mëti'ipë tsip'ixëtyën, yë Rubén yë jyä'äy, Gad yë jyä'äy ets kujkwä'kxy yë Manasés yë jyä'äy. Tyaapë ja'ayëty jëjp'ixy ënäty tyim'itë mëët ja mëti'ipë myëtsiptuuntëpën, xëmë jëjp'am ye'eytyë ma ja myëku'uktëjkëtyën, jëtu'un tä ënäty ja Moisés të tni'ënä'ämën ma ënäty jyaak juukyëtynyëm.

Josue 4:18

Tim je'eyë ojts pyëtsëmtë ja teetyëty jap nëëjoty ma ja Jordán nëëjën ets wya'ak'o'oyëtyë jam nëëpë'am, ënätyë ojty ja nëë jatëkok nyämyukyë ets pyëyë'ktso'ontë janty kom, jëtu'un tä ënäty të y'ëk'ijtpën.