Josue 3:7 - Biblia Mixe de Quetzaltepec

⁷ Tä ja Josué ojts y'ënë'ëmxëty ja Tios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

Biblia Dc en Mixe de Quetzaltepec

⁷ Tä ja Josué ojts y'ënë'ëmxëty ja Dios: Mijts ni'ikyë yam mëj'äämpy nyajnaxa'any ma Israel ja'ayëtyën. Jëtu'un tja'akyukëtëty ko yajpatpës näjyëtu'un mëët mijts tääjës mëët të nyajpaatyën yë Moisés.

Josue 3:7 ပူးပေါင်းရင်းမြစ်များ

1 Crónicas 29:25

Yë Wintsën yë'ë ojts kë'ëm tyajkutuky ets ja Salomón mëj'äämpy nyaxëty ma tu'kë'ëyë ja Israel ja'ayëty ja nyaax kyajpnën, akäjpxy ojts y'ity mëjwiin këjää këtiinëm jyëtu'unëty ja wiinkëtypë ja yajkutujkpë mëti'ipë të tyuntën ma ja Israel kajpnën.

2 Crónicas 1:1

Ja Salomón, mëti'ipë ja David myaank'ajtypyën, ojts tyajmëj tyajkëjääjë ja y'ënä'ämën kyutujkën, mëëtkyëjxm ko ja Wintsën pyutëjkëyë mëjwiin këjää ets ojts kyëjääjë ja myëk'ajtën.

Job 7:17

¿Tii yë naaxwiinyëtë ja'ay tyimkëjxm'ajtyp ko mëj'äämpy xypyëjktä'äky? ¿Wi'ix ko ni'ik xytyimmëjotmaypyääty?

Salmos 18:35

Mijtsës xykyuwaanp etsës xyajnitso'oky. Yë m'a'oykyë'ë yë'ëjës xytyukmajts'ijtp, ets mëët yë m'oyjot m'oywyinma'any ni'ikyës nnäjyawëty nyeeky npety maas winë nmëëtëtyën.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Tios nja'amyejtsy: Tios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Tios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Josue 1:17

Tyam ëëts ntuntëty mëti'ipë mijts mni'ënä'ämëpën jëtu'un tä të nmëmëtowtënës yë Moisés. Yi'iyë tëy ntsojktëpës ets mWintsën näjyëtu'un xëmë mputëkëtëty tä ojts yë Moisés tputëkën.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Josue 3:8

E mijts, tyaa xy'ënëëmëty yë teetytyëjkëty mëti'ipë kyiiytyëpën yë kaaxë, ko jam jya'tëty nëë'itkujky jam wya'ak'oyëtëty.

Josue 4:14

Jä'ä xëëw ojts yë Tios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënäty të twinkutsë'ëkëtën ko jyuuky'äjty.