Josue 3:3 - Biblia Mixe de Quetzaltepec

³ Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Tios yë kyaaxë, miitsëty ënätyë xypyatsoontëty.

Biblia Dc en Mixe de Quetzaltepec

³ Ojts ja ënä'ämën tyajwë'ëmtë ma ja Israel ja'ayëtyën ets y'ënantë: Ko xy'ixtëty yë Leví ja'ayëty tmëtsoontë yë Dios yë kyaaxë, miitsëty ënätyë xypyatsoontëty.

Josue 3:3 ပူးပေါင်းရင်းမြစ်များ

Deuteronomio 31:9

Ënät yë Moisés tjaaypyejty ya'atë ënä'ämën ets tukë'ëtëjkëy yë Leví ja'ayëty mëti'ipë teety'ajtëpën jä'ä xëëw jëmëjt, mëti'ipë kyiiyjyëtijtëpën ja kaaxë, ma ja käjpxytyu'unën yajpaatyën mëët ja Wintsën ets näjyëtu'un tukë'ëtëjkëy ja mëjja'aytyëjkëty jampë yajpaatën ma ja Israel kajpnën.

2 Samuel 6:13

Je'eyë ënäty të tmënajtswa'akëtë tëtujk teky, ko ja David jam tu'uk ja wintsë'kën tyäjky Wintsën wintum, ojts tu'uk tyaj'ooky yë tsajpkaa yä'äypyë ets tu'uk yë tsajppax.

Josue 3:8

E mijts, tyaa xy'ënëëmëty yë teetytyëjkëty mëti'ipë kyiiytyëpën yë kaaxë, ko jam jya'tëty nëë'itkujky jam wya'ak'oyëtëty.

Deuteronomio 31:25

Ënät t'ënëmaay yë Leví ja'ayëty mëti'ipë të yajtuknipëktën tpakë'ëtëty ja kaaxë, mëti'ipë myë'ijtypyën ja Wintsën ja kyäjpxytyu'unën.

Números 10:33

Ënät jam tsyo'ontë ma ja Wintsën ja kyopkën ets ojts tyu'uye'eytyë tëkëëk xëëw. Ja kaaxë mëti'ipë myë'ijtypyën ja käjpxytyu'unën mëët ja Wintsën, jëjp'am ënäty nyijkxy. T'ixta'ay yë'ë jëyëjp ja it naaxwiinyëtë ma jëtu'un pyo'kxtëtyën ja ja'ayëty.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Mateo 8:19

Tääts tu'uk nyimiinë ja tsajptëkotyëtë yaj'ijxpëjkpë ets y'ënëmaayë: Wintsën, mpanëjkxäämpy mijts pën maa mnëjkxy.

2 Samuel 6:3

Ënät ja kaaxë jam tkëxpëjktë ma tu'uk yë kepy wintëkäämpën jemypyë ets jam tmëtso'ontë ma ja Aminadab ja tyëjkën jam kopkkëjxm. Yë Uza ets Ahio, yë Aminadab yë y'u'unk y'ëna'k jä'ä tyu'uwinye'eytyëp ja kepy wintëkäämpë ma ja Wintsën ja kyaaxë nyijkxyën, ja Ahio jä'ä jëyëjp nëjkxp.

Josue 6:6

Ënät ja Josué ojts tmëkajpxmujkta'ay ja teetytyëjkëty ets t'ënëmaay: Mënëjkxtë yë kaaxë mëti'ipë yë käjpxytyu'unën myë'ijtypyën, mëti'ipë yë Tios jyä'ä'ajtypyën; niwëxtujk jam mnäwyimpiwëtëty mëti'ipë jëjp'am nëjkxtëpën ma ja kaaxë yajmëye'eyën ets yë'ë tyukxu'uxtëp ja tsajppaxwaj.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënäty ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënäty ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënät ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Números 4:15

Ko ja Aarón mëët ja myaank'ëna'k ënäty të twinpijta'atë tëkokyë winë mëti'ipë ëmaayëtyën ets jyëkyäjpnëp yajmëtu'utëkëty. Ënät nëjkx myintë ja Quehat ja y'u'unk y'ok, yë'ëts myënëjkxtëp jam ma ënäty jya'ta'antën. Këtii tëy nitii tontëty mëti'ipë ëmaayën këtiipë y'ooktëty, tëkokyë ya'atë apëjk atu'unën ets mëti'ipë jap tuunpën ma ja wit tëjkën ma ja näpyaatë y'ityën mëët yë Tios, yë Quehat yë y'u'unk y'ok yë'ë muum myënëjkxtëp.

Josue 3:4

Jëtu'un'äämpy xynyijawëtëty mëti'ipë tu'u mëpaat xypyanëjkxtë, jä'ä ko ma tääpë it naaxwiinyëtën, ni pën jää kyatëkënëm. Tii tëy, ka'ap nëkoo xymyëwinkontëty yë kaaxë mëti'ipë käjpxytyu'unën myë'ijtypyën, jëkäm xypyaye'eytyëty, jä'ä xymyëjëkäm'atëty tëtujk mëko'px ja tëkë'px tëtujk xajpk ja mäjtsk kë'ënuxën.

1 Samuel 6:15

Ja Leví ja'ayëty tëë ënäty tyajjënaktë ja Tios kyaaxë ets ja kaaxë ma jap myintën ja pu'ts pujxn mëti'ipë jëtu'un këxë'ktëpën tä yë ki'ixën ets tä yë tsukën ets jam tkëxpëjktaaytyë tsaakëjxm. Jä'ä xëëw yë ja'ayëty jampë kyukajpn'atën Bet-semes ojts tjanty myo'otë ja Wintsën ja wyintsë'kën kanaakpëky.

1 Reyes 8:3

Ojts myiinta'atë ja mëjja'aytyëjkëty jampë yajpaatën ma ja Israel kajpnën, tä ja teetytyëjkëty tkëëyë'ktë ja Wintsën ja kyaaxë

Jeremias 33:18

nän ka'ap tyëkoy'ata'any yë teetytyëjkëty ets Leví ja'ayëty mëti'ipë winjëpom yaktëpën ja wintsë'kën no'okpyë xämpyë, yë aaypyajk ujtspajk mëti'ipës yajtukwintsë'këpën, ëpëky wiinkëtypë wintsë'kën mëti'ipës xymyooytyëpën.