Josue 3:11 - Biblia Mixe de Quetzaltepec

¹¹ Tyam yë'ë yam yë Tios yë kyaaxë, mëti'ipë myëët'ajtypyën yë käjpxytyu'unën ëka'any nëënaxaanp.

Biblia Dc en Mixe de Quetzaltepec

¹¹ Tyam yë'ë yam yë Dios yë kyaaxë, mëti'ipë myëët'ajtypyën yë käjpxytyu'unën ëka'any nëënaxaanp.

Josue 3:11 ပူးပေါင်းရင်းမြစ်များ

1 Crónicas 29:11

Wintsën, mijts mjä'ä'ajtyp ja mëj'ajtën kutujkën, ja mëj'ajt oyajtën, ja ënä'ämën kutujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kutujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Job 41:11

¿Pën juuky ë'kwë'ëmëp, ko pën tmatsy? Ni pën.

Salmos 24:1

Yë naaxwiinyëtë, Wintsën yë jyä'ä, aakyë'ë jyä'ä'ajtääpy tu'kë'ëyë jënu'un winë y'ityën naaxwiiny ets jënu'un jyuuky'ätyën ma yë'ëjën.

Salmos 97:5

Yë tun kopk jëtu'un jyiiytyakta'ay tä yë pu'unykyën ma Wintsënën, mëti'ipë nyiwintsën'ajtypyën yë naaxwiinyëtë.

Isaías 3:12

Pi'k ëna'k yajkutujkp maas ja nnaax nkajpnën; to'oxytyëjk tyam ënä'ämtëp. Nnaax nkajpnës, mwin'ë'ënëtëp mëti'ipë mkutujkpë'ajtëpën, jam myajnëjkxëtë ma wiink tu'ujën.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Sofonías 2:11

Atsë'ëk ajawë yë Tios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

Zacarías 6:5

Ënät ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Josue 3:13

Ko yë teetytyëjkëty ëka'any kyuwa'akëtëty nëëjoty mëti'ipë ja kaaxë kyiiynyëjkxtëpën, mëti'ipë ja käjpxytyu'unën myë'ijtypyën, ënät ja nëë nyäwya'kxa'anyë mäjtskpëky: tu'kpëky anëkëjxytsyow ets tu'kpëky ëpa'tkë'ëytsyow ets kyëxë'ëka'any jëtu'un yowë ja nëë nyäwyimpijtmukyë.