Josue 24:32 - Biblia Mixe de Quetzaltepec

³² Ja José ja wyääy pyajk, mëti'ipë ënäty yë Israel ja'ayëty jap Egiptë kajpnjoty të tmëtsoontën, jam ojts tnitajtë ma ja Jacob ja nyaaxën mëti'ipë jyuuyën. Yë'ë ojts tyukmëtookyë yë Hamor, Siquem yë tyeety ets ojts tsyoowpatxëty mëko'px yë poop pujxn meeny, kom'ok yë'ë yajtukumaaytyë yë José y'u'unk y'ok.

Biblia Dc en Mixe de Quetzaltepec

³² Ja José ja wyääy pyajk, mëti'ipë ënety yë Israel ja'ayëty jap Egiptë kajpnjoty të tmëtsoontën, jam ojts tnitajtë ma ja Jacob ja nyaaxën mëti'ipë jyuuyën. Yë'ë ojts tyukmëtookyë yë Hamor, Siquem yë tyeety ets ojts tsyoowpatxëty mëko'px yë poop pujxn meeny, kom'ok yë'ë yajtukumaaytyë yë José y'u'unk y'ok.

Josue 24:32 ပူးပေါင်းရင်းမြစ်များ

Génesis 50:25

Ënät ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Tios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

Génesis 33:19

Ënät jam tu'uk tjuuy ja naax kam, jä'ä tsyoowpaty mëko'px ja nyimeeny, mëti'ipë tukmëto'kën ja y'u'unk y'ëna'këty ja Hamor, yë Siquem yë tyeety, jam ja wyittëjk ojts tkojy.

Éxodo 13:19

Moisés ojts tmënëjkxy ja José ja wyääy pyajk, jä'ä ko ma ënäty ja José y'ookanën ojts tuk'ëne'emy ja Israel ja'ay ets jëtu'un tuntëty. Jëtu'un y'ënëmaayëtë: Tëy jëtu'un ko yë Tios yë'ë mniminanëtëp ets mputëkëja'anëtë. Ko ënäty jëtu'un tyunyë jyätyë mëtsoontëp yaa yë nwaay npajkës.

Hechos 7:16

Tääts ja wyääy pyajk ojts tyajnëjkxtë Siquem y'itjotm ma ënäty ja Abraham të tjuyën tu'uk ja aank mëti'ipë ja Hamor y'u'unk tukmëto'kën.

Hebreos 11:22

Ko José ënäty y'ookanë, mëët ko myëpëjky ojts jyaak'ëna'any, ko ja Israel ja'ay pyëtsëma'antë ok jap Egiptë y'itjotm ets ojts tyajwë'ëmy ja ayuk ets ja wyääy pyajk jap yajmëtsoonëty.

Juan 4:5

Tääts jyä'äjty ma ja Sicar kajpnën, samaariëtë y'itjot; winkon ma ja naaxjotmën mëti'ipë ja Jacob tyukumaayën ja myaank José.

Génesis 48:22

Mijts ni'ik winë të nmo'oy këtiinëm jyëtu'unëty yë mmëkä'äxtëjk, mijts yam nmoopy yë nyaax kyajpnëty ma txëëwatyën Siquem, mëti'ipës ojts mpëjkëtën yë Amor ja'ayëty, koos mëët ntsiptuuny.

Hechos 7:15

Jëtu'un ja Jacob ojts nyëjkxtë Egiptë mëët ja myëku'uktëjk. Jamts y'o'ky ja nteety'ajt n'ap'ajtëmë.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Tios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.