Josue 23:3 - Biblia Mixe de Quetzaltepec

³ Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënäty ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.

Biblia Dc en Mixe de Quetzaltepec

³ Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënety ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.

Josue 23:3 ပူးပေါင်းရင်းမြစ်များ

Éxodo 14:14

Miitsëty këtiimës mmaytyë mtajtë, yë Tios yë'ë mnitsiptunanëtëp.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënäty të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.

Malaquías 1:5

Kë'ëm nëjkx xy'ixtë mëët yë mwiinëty ets nëjkx m'ëna'antë: Yë Wintsën yë myëj'ajtën jëkämpaat muum jyä'ty.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 20:4

Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 7:17

Wä'än jëtää miits mmaytyëty mtajtëty, tääpë naax kajpn mëj këjää oyëty, ¿wi'ix ëëts n'ëktuntëty ets nmëmëta'aktëtyës?

Deuteronomio 7:24

Yë yajkutujkpëtëjk mëti'ipë ënäty jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënäty miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Josue 10:14

Tyampaat ka'ap maa yajmëtoy'äty yë xëëw y'ëkwë'ëmnë, tä ojts wyi'imyën tëëyëp ma ja Tios tmëtoow'ijtyën tu'uk ja ja'ay mëti'ipë mëkajpxën, jä'äkyëjxm ko ja Wintsën tputëjkëy ja Israel kajpn.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Tios mnitsiptuunëtëp jëtu'un tä të tnikäjpxyën.