Josue 23:2 - Biblia Mixe de Quetzaltepec

² Ënät ojts yë Josué tmëkajpxta'ay yë mëjja'aytyëjk, ëna'ktëjk, tsiptuunpëëwintsëntëjk ets tëkokyë yë Israel ja'ayëty, t'ënëmaay: Ëjts tëëjës nmëjja'ayënë ets nxëëw njëmëjtës kujënajknëp ni'ikyë.

Biblia Dc en Mixe de Quetzaltepec

² Ënet ojts yë Josué tmëkajpxta'ay yë mëjja'aytyëjk, ëna'ktëjk, tsiptuunpëëwintsëntëjk ets tëkokyë yë Israel ja'ayëty, t'ënëmaay: Ëjts tëëjës nmëjja'ayënë ets nxëëw njëmëjtës kujënajknëp ni'ikyë.

Josue 23:2 ပူးပေါင်းရင်းမြစ်များ

1 Reyes 1:1

David, ojts myëjja'ayënë, oy yajxon tjanipijt tjanimu'uxnëtë, ka'ap y'ëkjokxpëjknë.

1 Reyes 8:1

Ënät ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

1 Crónicas 23:2

tä tyajmujktaay ja mëjja'aytyëjk jampë yajpaatën ma ja Israel kajpnën, mëti'ipë mëj'äämpy ijtëpën ets ja teetytyëjkëty ets ja Leví ja'ayëty.

1 Crónicas 27:27

E ma ja tsatsymkyam ets ujts tëëmkam yajtuunk'atyën, yë'ë ojts jam yajtuknipëky tnikopk'atëty ja tuunk yë Simí, jam tsyoony Ramat; mëti'ipë nyikopk'ajtypyën ja tuunk ma ja tsatym nyëë yajpëjkmukyën, yë'ë jam yajtuknipëjk yë Zabdí, jam tsyoony Sefam.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

Deuteronomio 31:28

E yë'ë yam npëjktsoopyës ets xywyoowmujkta'atëty tëkokyë yë mëjja'aytyëjk ets tëkokyë jënu'un tnikopk'atën yë jyä'äyëty ets ntukmëmëtya'aktëtyës ya'atë aaw ayuk ets mpëjkta'aka'anyës yë tsajp ets naaxwiinyëtë ijxpë mëtoopë.

Josue 13:1

Josué mëjja'ay ënätynyë ko ja Wintsën y'ënëmaayë: Mijts Josué tëë mmëjja'ayënë ets tää yë it naaxwiinyëtë mëti'ipë jaakwë'ëmpën ka'apë xynyiwa'aktënëm.

Josue 23:3

Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënäty ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.

Josue 24:1

Ënät yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

1 Samuel 12:2

Tyaa jëtu'un ja yajkutujkpë mpëjktä'äkyës mëti'ipë ënä'ämaanpën ma miitsëtyën ets mëti'ipë mtu'uwinye'eyëtëpën. Ëjts tëëjës nmëjja'ayënë ets tëëjës nkupo'ojënyë. Yi'iyës yë n'ëna'k jaakyajpatëp ma miitsëtyën. Ëjts tëëjës miits oy ntu'uwinye'eytyë, tyimtso'ontäky jëtu'un maas n'ëna'k'ajtyën ets tyampaat maas tëë nmëj ja'ayënën.