Josue 23:10 - Biblia Mixe de Quetzaltepec

¹⁰ Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Tios mnitsiptuunëtëp jëtu'un tä të tnikäjpxyën.

Biblia Dc en Mixe de Quetzaltepec

¹⁰ Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

Josue 23:10 ပူးပေါင်းရင်းမြစ်များ

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Levitico 26:8

Pën nimëkoxk miitsëty nëjkxëp xy'ëkyajkäknëtë nimëko'px, pën nimëko'px miitsëty nëjkxëp xy'ëkyajkäknëtë nimajk mil ets jëtu'unyë nëjkx ja mëtsiptëjkëty xykyupujxta'atë mëët yë mtëypyujxnëty.

Deuteronomio 3:22

Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.

Éxodo 14:14

Miitsëty këtiimës mmaytyë mtajtë, yë Tios yë'ë mnitsiptunanëtëp.

Salmos 35:1

Wintsën, jëjpkuwa'akë näjyëtu'un, mëti'ipës xyjyëjpkuwa'këpën; ëtuk mëti'ipës xy'ëtujkpën.

Deuteronomio 20:4

Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Josue 23:3

Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënäty ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

Jueces 15:15

Ënät jam tkajpë'ky tu'uk yë pajk, yë krukts apak mëti'ipë ënäty ka'ap pyu'utynyëmën ets mëët tyaj'o'ky nitu'kmil yë filistejë ja'ayëty.

2 Samuel 23:8

Yaa jëtu'un ja xyëëw myintë këxja'ay mëti'ipë ja David tsyiptuunpëajtën, jotmëkëtypë: Mëjëyëjp yë'ë kuja'ay miimp yë xyëëw yë Is-boset, Amón ja'ay, mëti'ipë ojts ni'ik këjxm nyijkxyën ma ja nitëkëëkpë ja tsiptuunpën jotmëkëtypë; jä'ä tëkok yë ja'ay tyaj'o'ky mëët yë kyu'umën nituktujk mëko'px.

Jueces 3:31

Ja mëmäjtskpë ja ja'ay mëti'ipë ojts tnitsiptunyën ja Israel kajpn ets tsip'ixy jä'ä xyëëwajt Samgar, yë'ë myaank yë Anat, jä'ä tyaj'o'ky yë filistejë ja'ay nitëtujk mëko'px mëët tu'uk yë krukts'apajk. Samgar ojts näjyëtu'un tyajtso'oky yë Israel ja'ayëty.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

Deuteronomio 28:7

Yë'ë nëjkx myajmëtä'äkyë, ko ënäty ja mmëtsip mëët mnäpyäätyë, ëkë ko ënäty ëxëëk mjatuna'anëtë. Yë'ëjëty nëjkx janty nimay jyatsoontë ets waatswitsy jyamintëty, tääts nyätyijyë myajkutëkoya'anëtë, ko ënäty miitsëty mnäkyuwa'anëtë, yë'ëjëty jëtu'unyë nëjkx kyäkta'atë.

Deuteronomio 32:20

ets y'ënäny: Nikë oyës yë Israel ja'ayëty ntimjyä'äytyëkoyëty ets ntimy'ëxmatsëty, min n'ëk'ixyës tii winma'any pyatëp. Tëës yam kë'ëm n'ixy, ko yë'ëjëty je'eyë y'ëxëëkjot y'ëxëëk winma'anyëty, wi'ixës n'ëktuk'ijxpätëty.

Josue 23:11

Paaty miitsëty mnäkyëwent'atëtëty ets mëk yë mWintsën Tiosëty xytsyoktëty xyjyawëtëty.

1 Crónicas 5:22

May ja mëtsip y'o'ktë jä'ä ko yë'ë Tios kë'ëm tim tsiptuun. Paatykyëjxm jam tsyënaaytyaknpëjktë mëti'ipë mëtaktën, koonëm ja wiink kajpn ojts ok myëmëta'ëkëtë.

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Zacarías 12:8

Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Levitico 26:7

Miitsëty nëjkxëp xyajkä'äk xyajpojtë yë mëtsiptëjkëty ets nëjkxëp xykyupujxta'atë ninu'un mwinkuja'tëtën.

1 Crónicas 5:20

ojts pyutëkëtë ja Tios, paaty ka'ap tyajmëtaktë ja Agar ja'ayëty ets ja mëti'ipë mëët të nyäpyëkëtën, yë'ëjëty ënätyë ja Tios ijty tmëkajpxtë jam tsipjotm ets pyutëkëtëty. Ojts pyutëkëtë jä'ä ko nän jam ja wyinma'any ets ja myëpëjkën tpëjktaktë.