Josue 22:5 - Biblia Mixe de Quetzaltepec

⁵ Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Tios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Biblia Dc en Mixe de Quetzaltepec

⁵ Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Josue 22:5 ပူးပေါင်းရင်းမြစ်များ

Mateo 22:37

Ets ja Jesús y'ëtsooy: Tsok ja Wintsën mëët tu'kë'ëyë ja mjot mja'awën, mjot mwinma'any ets mma'ayën mtajën.

Éxodo 20:6

E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Deuteronomio 11:22

Pën miitsëty mpatuuntëp ya'atë ënä'ämën tëyajtën, mëti'ipë tyam ntuk'ënä'ämtëpën ets xypyatuntëty ets pën mtsojktëp mja'awëtëp yë Wintsën mëti'ipë miits mTiosajtëpën ets yë'ë xypyanëjkxtëty tëkokyë yë nyë'ë tyu'u,

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

Mateo 4:10

Ënät ja Jesús y'ëtsooy: Nëjkx mëjku'u, jëtu'un ja Tios y'aaw y'ayuk kyëxja'ayëty: wintsë'ëkë mWintsën Tios. Yë'ë tu'ukyë m'ëwtatëp ets xymyëmëtowëty.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Romanos 1:9

Tios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Tios nmëkäjpxy.

Hechos 27:23

Ja Tios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënäty tëë ja Tios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Juan 14:15

Pën xytsyojktëpës miits, mpatuntëp ja n'ënä'ämënës.

Lucas 1:74

ko xytyukmëmëta'aka'anëm ja nmëtsip'ajtëmë, ka'ap ntsë'këmëty, wa'ats aaw wa'ats jot n'ijtmëty ets nyajpatmëty xëmë ma yë'ëjën mapaat njuuky'ajtëmën.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Salmos 106:3

Jotkujk yë ja'ay yajpaaty mëti'ipë mëtëy tii nyipaye'epyën ets aakyë'ë tyuunpy oypyë wa'atspë.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 11:1

Tsoktë jawëtë yë mWintsënëty ets patuntë yë y'ënä'ämën tyiyajtën, yë y'aaw y'ayuk ets kyutujkën.

Deuteronomio 6:17

Yë'ë tu'ukyë timpyatuntë ja Tios ja y'ënä'ämën tyiyajtën, ja y'aaw y'ayuk ets ja nyajts'ë'ëw nyaskajpxën mëti'ipë të mtuk'ënä'ämëtën.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Tios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Juan 12:26

Pën jääjës pën xymyëtun'any, wä'änës xypyaminy; ets pën maas ënäty nyajpaaty, jam näjyëtu'un yajpaata'any mëti'ipës ënäty xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

1 Samuel 12:20

Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

Josue 23:8

Yë Wintsën jëtu'un xëmë mka'ëxmatstëp jëtu'un tä tyampaat xytyuntën.

Deuteronomio 13:4

Yi'iyë yë Wintsën mëti'ipë mTiosajtëpën tim panëjkxtëkëtë; tuntë ijxtëm ja y'ënä'ämën myinyën ets yi'iyë ja y'aaw y'ayuk mëtoow'ijtëtë. Yë'ë mka'ëxmatstëp ets jam xëmë mjot mwinma'any xypyëjkta'aktëty ma yë'ëjën.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kutujkën, yë'ë xyëëw myajtuunëtëp.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënäty yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

Deuteronomio 4:4

E tëkokyë miitsëty, jënu'un ojts yi'iyë xytyuk'ijxpätën yë Wintsën mëti'ipë mTiosajtëpën, ix tyaa myajpaatë je'eyëm juuky tsuxk.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Éxodo 23:25

Yë'ë jëtu'un m'ëwtatëp yë mWintsën ets yë'ë mo'ojanëp yë mka'ayën m'ukën. Nëjkxëpës näjyëtu'un njëpëky njëtuny yë pa'am ëyo'on ma miitsëtyën.

Deuteronomio 4:29

E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

Deuteronomio 5:10

E mëti'ipës xytsyojkp xyjya'apën ets pyatuumpy ja n'ënä'ämënës ntëyajtënës, mëkës ntsoky njawë ets ka'ap tsyojk'amëty, kë'ëyxyëëw kë'ëyjyëmëjt jëtu'un.

Salmos 78:7

ets jëtu'un yë'ëjëty tukjotkujk'atëty ja Tios ets ka'ap tja'atyëkoytyëty mëti'ipë yë'ë të tuny të tkäjpxyën, ets näjyëtu'un tmëmëtowtëty ja y'ënä'ämën tyiyajtën,

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.