Josue 22:29 - Biblia Mixe de Quetzaltepec

²⁹ Tios ëëts xypyutëkëtëp ets ka'ap yajkäjpxykyumëtoownaxëty ets ka'ap yaj'ëxmatsëty; ka'ap mëpaat yajkojy wiinkpë wintsë'këntyakn ma yajyakëtyën ja nino'okpyë wintsë'kën ëkë maa yajyakëtyën yë aaypyajk ujtspajk ëkë wiinkëtypë wintsë'kën ets wiink tios yajmoopyëty, yaj'ixtijëty ja nWintsën'ajtëm Tios, jampë yajpaatyën ma ja wit tëjkën ma näpyaatë y'ityën.

Biblia Dc en Mixe de Quetzaltepec

²⁹ Dios ëëts xypyutëkëtëp ets ka'ap yajkäjpxykyumëtoownaxëty ets ka'ap yaj'ëxmatsëty; ka'ap mëpaat yajkojy wiinkpë wintsë'këntyakn ma yajyakëtyën ja nino'okpyë wintsë'kën ëkë maa yajyakëtyën yë aaypyajk ujtspajk ëkë wiinkëtypë wintsë'kën ets wiink tios yajmoopyëty, yaj'ixtijëty ja nWintsën'ajtëm Dios, jampë yajpaatyën ma ja wit tëjkën ma näpyaatë y'ityën.

Josue 22:29 ပူးပေါင်းရင်းမြစ်များ

Josue 24:16

Ënät ja naax kajpn y'ëtsooy: Ka'ap mëpaat, yë Wintsën t'a'ixë etsës yë wiink tios npanëjkxtëty.

Romanos 9:14

¿Wi'ixts na'ëna'anmëty? ¿Wä'än jëtää n'ëna'anmëty ko ka'ap y'oyëty mëti'ipë ja Tios tyuunpyënë? Niwi'ix'äämpy.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Romanos 3:6

Niwi'ix'äämpy. Ko jeexyë ja Tios mëtëy kyaTios'aty, ¿wi'ix jeexyë ja naaxwiinyëtë ja'ay tpaye'ey?

2 Crónicas 32:12

¿Ti këtii xynyijawëtë ko yë Ezequías tëë tyajma'ta'ay ja tsajptëjk ma ijty miits mtios ëwtatën ets wintsë'këntyakn ets të tni'ënä'ämë ko yë Judá ja'ayëty ets Jerusalén ja'ayëty je'eyë tu'uk yë wintsë'këntyakn tyajwë'ëmtëty ma t'ëwtatëty ja Tyios ets maa tyajtoytyëty ja poomë?

2 Reyes 18:22

E pën m'ënantëp miitsëty: yë Wintsën mëti'ipë ëëts nTios'ajtëpën yë'ëjës ntuk'ijxpäjtëp, ¿këtii yë'ëjëty yë Ezequías ja Wintsën ja tsyajptëjk ets ja wyintsë'këntyakn ojts tjijtë'ktaayë ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalénkë?

1 Reyes 21:3

E ja Nabot tyaa t'ëtsooy ja Ahab: Ka'ap mëpaat yë Wintsën tyajkutuky etsës nyakëty mëti'ipës yë nteety të xytyukkumayën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Josue 22:26

Paaty ëëts wiinkpë yë wintsë'këntyakn të nyajkojtë, e ka'ap yë'ëkyëjxmëty ko ëëts ja Wintsën ja wyintsë'kën nmo'oja'antë ja nino'okpyë ets ja wiinkëtypë ja wintsë'kën.

Josue 22:23

Pën ya'atë wintsë'këntyakn yë'ëkyëjmës të nyajkojtë ets Wintsën n'ëxmatsa'antës, ëkë ets ntukwintsë'ëkëja'antës yë wyintsë'kën nino'okpyë ets aaytyëëm ujtstëëm, ëkë ets ja nay'ëëw'oy näykyajpx'oyë ntuna'antës mëët yë'ë, wä'än kë'ëm tpaye'ey yë Wintsën pën tëëjës nmëtëkoytyë.

Génesis 44:17

Yë José tyaa y'ëtsooy: Niwi'ixtsow, yi'iyës jëtu'un nyajwë'ëmäämpy mëti'ipë të yajpaatyën ja xya'k mëët ja n'a'ukënës ets yaa myëtun y'ëyowëty, miitsëty akujk jotkujkmës winpitë ma ja mteetyëty ja jyëën tyëjkën. Ets ni pën mkamëmayëtëty.

Génesis 44:7

Tä ojts y'ëtsowtë: ¿Wi'ix ko ëëtsëty jëtu'un xy'ënëëmëtë? Ëëtsëty ni winma'any jëtu'un nkapaatës ets jëtu'un n'ëtë'ëtstëtyës.

Josue 22:28

Ëëtsëty jëtu'un të nmay të ntajtës, ko ënäty pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.

Josue 22:30

Ko ja teety Finees, ja mëjja'aytyëjkëty ets ja ja'ayëty mëti'ipë kyutënaaytyëpën ja jyiiky myëku'ukëty, mëti'ipë ënäty jyämyëët'ajtëpën ja teety Finees, tmëtoowtë wi'ix y'ëna'antën ja Rubén, ja Gad ets nikujkwä'kxy ja Manasés ja jyä'äyëty, ojts oy tja'akyukëtë.

Deuteronomio 12:11

Ja it naaxwiinyëtën mëti'ipë ënäty ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.