Josue 22:15 - Biblia Mixe de Quetzaltepec

¹⁵ Tä ojts tyu'upëktë ets jam jyajtë Galaad ma ënäty jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

Biblia Dc en Mixe de Quetzaltepec

¹⁵ Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

Josue 22:15 ပူးပေါင်းရင်းမြစ်များ

Hebreos 12:25

Näkyëwent'atëtë, mëmëtowtë ja Tios. Mëti'ipë ja Tios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

1 Corintios 5:4

Ko miits mye'eymyuktëty, tam'ataanpës ja njot nja'awën ets näjyëtu'un jyam'ata'any ja Wintsën Jesukristë ja myëk'ajtën.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Tios oy tmëtuuntë.

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

2 Crónicas 28:13

ets t'ënëmaaytyë: Këtii yaa xyajmintë yë tsumjyä'äytyëjk, jä'ä ko nëkoopë nmëpokytyëjkëmëty ma Wintsënën. Miitsëty je'eyë nëkoo xy'ixta'atë jotmay mëti'ipë ënät ni'ikyë xyajpokykya'amëpën, tyam këjää ja amay jotmay tjapatëmpë ets ja Wintsën ënät ni'ikyë njaakyyajjoot'anpëjkmëtyë, ka'ap mëpaat.

2 Crónicas 26:18

ets ojts t'ojtë ja yajkutujkpë, jëtu'un t'ënëmaaytyë: Mijts yajkutujkpë tëë mtëkoy, jä'ä ko ka'ap myijtsëty mpaatyë xyakëty yë wintsë'kën ets mijts xytyukwino'ok xytyukwinxamëty yë poom yë Wintsën, yë teetytyëjkëty yë'ë patëtëp, yë Aarón yë y'u'unk y'ok, mëti'ipë të yajtukmëkënu'kxëtën. Paaty tim pëtsëm tyämyë, jä'ä ko mijts ka'ap yë Wintsën të xymyëj'ixy, yë'ë ka'ap t'oy'ixy ko mijts jëtu'un të m'ëtë'ëtsy.

2 Crónicas 25:27

Maju'unëm ja Amasías ojts t'ëxmajtsnën ja Wintsën, ënät ja ja'ay jam Jerusalén nyikäjpxytyu'unëyë, ko jëtu'un tmëtoy'äjty, ënätyë kyeky, jam ojts nyijkxy Laquis; je'eyëp ko ja myëtsiptëjk ojts jampaat pyaja'tyë ets jam yaj'o'kë.

2 Crónicas 10:19

Jëtu'un'äämpy ja Israel ja'ayëty ojts tmëtsiptso'onëtë ja David ja kyutujktakn ets tyampaat jëtu'unyëm ka'ap oy mëët nyäyaj'itëtë.

1 Crónicas 21:3

E Joab tyaa y'ëtsooy: Wintsën tyunëp yë mëyajtën ets mëko'pxnaxy ja'ay jyaak nimayëty; ¿je'eyëp ko yë'ëjës oy ka'ap nijawë, wi'ixën ko xytsyojkpë ja'ay yajjaamyukëty pë aakmijts yë ja'ay mnitënääpy? ¿Tii ko nëkoo je'eyë mpoky xy'ixta'aja'any?

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

Josue 22:18

¿Këtiijën mjotkëta'aktë mëët tääpë nëë pokyë? Paaty wiinkpë xytyuun'ëtë'ëtstë ets Wintsën ni'ikyë xymyëjëkämkä'äktë. Pën miitsëty mkäjpxykyumëtoownajxtëp yë Wintsën, jëpom tëë ënäty tnatukjoot'anpëjktaaynyë tëkokyë yë Israel ja'ayëty.

Josue 22:12

Ko ja Israel ja'ayëty tnija'awëtë, ënät ojts jam tyu'ukmuktë ma ja Siló kajpnën ets tnitsoona'antë ja myëku'ukëty ets nëjkx mëët tsyiptuna'antë.

Deuteronomio 30:17

E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Deuteronomio 7:4

Jä'ä ko tsojk nëjkx yajtu'utëkoyëtë ko jyëtu'un'atëty ets nëjkx yë Wintsën xy'ëxmajtsnëtë ets xypyanëjkxtëjkënëtëty ja wiink tios mëti'ipë ka'ap myëtëyëtyën. Ënät nëjkx ja Tios xyajjoot'anpëktë ets myajkutëkoyëtëty tu'k'ijxmi'kxyë.

Números 32:15

Pën miitsëty ka'ap yë Wintsën xymyëj'ixa'antë, jeky nëjkx tjaakyajwë'ëmy yë Israel kajpn të'ëts itjotm. E miits nëjkx pokymyëët mwë'ëmtë, ko ënäty yë'ë y'o'kta'atë.

Números 14:43

Jëjp'ixy jam yë Amalec ja'ayëty mtim'ëwxitëtë ets Canaán ja'ayëty ets tsyiptuna'antë mëët miitsëty. Jëtu'un myaj'ooka'an myajtëkoya'anëtë. Miitsëty mnija'awëtyëp ko tëë yë Tios xymyëtëkoytyë, paaty tyam ka'ap yajpaaty ma miitsëtyën.

Números 5:6

Tyaa xy'ënëëmëty yë Israel ja'ayëty, ko tu'uk yë ye'etyëjk ëkë to'oxytyëjk tyajjotma'atëty yë Tios. Mëët ko ja jyiiky myëku'uk ka'ap twinkutsë'ëkë, ëkë ko ja jyiiky myëku'uk tyajjoot'anpëky. Poky jëtu'un tyuunpy.

Levitico 26:40

E jä'ä nëjkx xyjyajawëtë ja mpokyëty ets ja pyokyëty ja mteety mtaakëty, mëët ko ënäty ka'ap oy të xymyëtuntës ets ko ënäty ka'ap të tuntë këwentë ja n'aaw n'ayukës.

Levitico 5:19

Ya'atë wintsë'kën yë'ë jëtu'un ja poky yajtukuyajkp. Jä'ä ko tääpë ja'ay pokymyëët ënäty të wyi'imy ma Tiosën.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Josue 22:14

Ojts näjyëtu'un ëpëky pyanëjkxëtë nimajk yë mëjja'aytyëjkëty mëti'ipë kyutënaaytyëpën ja myëku'uktëjk.

Josue 22:16

Ëëtsëty yë'ë Tios yë nyaax kyajpn yam yë y'aaw y'ayuk nmëmiinëtëpës; ¿Tii ko yë wiink winma'any xypyaatë ets ja Wintsën xymyëtëkoytyë, mëti'ipë yë Israel ja'ayëty Tyios'ajtëpën? ¿Wi'ix ko ya'atë wintsë'këntyakn të xykyojtë ets xykyäjpxy kumëtoownaxtë ja Wintsën?