Josue 22:13 - Biblia Mixe de Quetzaltepec

¹³ Yë'ë ojts jëyëjp tkäxtë yë Finees, yë teety Eleazar yë myaank, jam Galaad ma ënäty jam yajpaatën yë Rubén, Gad ets je nikujkwä'kxypyë ja Manasés ja jyä'äy.

Biblia Dc en Mixe de Quetzaltepec

¹³ Yë'ë ojts jëyëjp tkäxtë yë Finees, yë teety Eleazar yë myaank, jam Galaad ma ënety jam yajpaatën yë Rubén, Gad ets je nikujkwä'kxypyë ja Manasés ja jyä'äy.

Josue 22:13 ပူးပေါင်းရင်းမြစ်များ

Números 25:7

Ko jëtu'un t'ijxy yë Finees, yë Eleazar yë myaank, yë Aarón yë y'ok'u'unk, ënät ojts y'ëpëkywyä'äky ma ënäty yë Israel yajpaatën tu'ukmukyë ets tkajpë'ky yë kyu'umën.

Éxodo 6:25

Tu'uk yë y'u'unk yë Aarón mëti'ipë xyëëwajtypyën Eleazar, yë'ë ojts mëët pyiky yë nyëëx yë Futiel ets yë'ë ojts tyajminy tyajja'ty naaxwiiny ja mëti'ipë yajtijyën Finees. Ya'atë jëtu'un ojts tnikopk'atë yë Leví ja'ayëty, jëtu'un ja xyëëwëty këxja'ay myintë tä tyu'kja'ay'ajtën.

Mateo 18:15

Pën tëë mmëtëkoyë ja mmëku'uk, mëmëtya'ak ets tuk'ënëëmë wi'ix të mmëtëkoyën. Ko tja'akyukëty wi'ix xy'ënëëmën, tëë ënäty jatëkok xymyëku'ukpëky.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Jueces 20:12

E jëyëjp ojts tkäjxwa'kxtë ja kukäjpxy oymyaakajpnëty ma ja Benjamín ja jyä'äy tsyëënëtën ets t'ënëmaaytyë: ¿Tii ko ya'atë yë to'oxytyëjk të xyaj'ooktë?

Deuteronomio 13:14

Ko jëtu'un xymyëtoy'atëty, yajxon nëjkx xynyipaye'eytyë. E pën janty tëy ko tam jëtu'unpë ja'ayëty jyëtitë, mëti'ipë je'eyë nëkoo ja jot winma'any yajtëkoyäämpyën ets wa'ats yajnijawë, ko yë Wintsën y'ëxëëk'ijxyp yë jëtu'unpë.

Números 31:6

Yë Moisés yë'ë ojts tukpakexy yë Finees ja tsyiptuunpëtëjkëty, yë myaank yë teety Eleazar mëti'ipë myënëjkxën winë mëti'ipë ja Tios jyä'ä'ajtypyën ets ja pujxnxuxn mëti'ipë yajtukxuxpën ets ja Israel ja'ayëty tsyiptuntëty.

Josue 24:33

Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

Números 32:1

Yë Rubén ets Gad yë jyä'äyëty kutsajpkaa ijtyëty. Ko t'ijxtë ja it naaxwiinyëtë, mëti'ipë jam yajpatpën Jazer nyaaxjotm ets Galaad nyaaxjotm janty'oy kyëxë'ëky ets ja jëyujk tsajpkaa jam tyänëty.

1 Crónicas 9:20

Ma ënäty ka'ap yajmo'otënëm jëtu'unpë ja tuunk, yë Finees yë'ë ojts nyikopk'atëtë. Wintsën kënu'kxëtëp.

Esdras 7:5

Abisúa, Finees, Eleazar ets Aarón, mëti'ipë më''ëka'any teety'ajtën.