Josue 21:21 - Biblia Mixe de Quetzaltepec

²¹ Ma ja kopkjotmën mëti'ipë yë Efraín nyitënääpyën yë'ë ojts yajmo'otë ja Siquem kajpn ets jam ja ja'ay kyäktso'oktëty mëti'ipë ënäty ka'ap tsyokyëty ja myëku'uk të tyaj'ookyën, ëpëky näjyëtu'un ojts yajmo'otë ja kajpn mëti'ipë yajtijpën Guézer.

Biblia Dc en Mixe de Quetzaltepec

²¹ Ma ja kopkjotmën mëti'ipë yë Efraín nyitënääpyën yë'ë ojts yajmo'otë ja Siquem kajpn ets jam ja ja'ay kyäktso'oktëty mëti'ipë ënety ka'ap tsyokyëty ja myëku'uk të tyaj'ookyën, ëpëky näjyëtu'un ojts yajmo'otë ja kajpn mëti'ipë yajtijpën Guézer.

Josue 21:21 ပူးပေါင်းရင်းမြစ်များ

Josue 20:7

Ënät ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

1 Crónicas 6:67

Ojts yajmo'otë ja Siquem kajpn, ma ijty ja ja'ay kyäktso'oktën mëti'ipë tuuntëkooytyëpën, jam yajpaaty ma Efraín y'itjotmën, mëët ja nyijëyujk tënaaytyakn; ojts näjyëtu'un yajmo'otë Guézer,

1 Reyes 12:1

Yë Roboam jam ojts nyijkxy Siquem, jä'ä ko aakjam ënäty të nyëjkxta'atë ja Israel ja'ayëty ets yë'ë yajnikajpxpäta'any yajkutujkpë.

Jueces 9:1

Ënät yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënäty ja tyaak mëët nyämyëku'uk'atyën, ets t'ënëmaay:

Josue 16:10

Yë Efraín yë jyä'äyëty ka'ap ojts myäyëtë t'ëxwoptëty yë Canaán ja'ayëty jampë tsyëënëtën Guézer, ojts tyajwë'ëmtë ets mëët tsyënaamyujktë, je'eyëp ko ojts tuk'atsip'atë ets xëmë nyäkyukëpätëtëty. Paaty tyampaat yë Canaán ja'ayëty tämyëm yajpaatë ma tääpë it naaxwiinyëtën.

Génesis 33:19

Ënät jam tu'uk tjuuy ja naax kam, jä'ä tsyoowpaty mëko'px ja nyimeeny, mëti'ipë tukmëto'kën ja y'u'unk y'ëna'këty ja Hamor, yë Siquem yë tyeety, jam ja wyittëjk ojts tkojy.

Josue 21:22

Näyjyëtu'un ja Quibsaim ets ja Bet-horón, taxk ja kajpn nyäpyäätyë ets tu'ukjaty aak jyëkyejpy ja jëyujk tsajpkaa tyänëtëtyën.

2 Samuel 5:25

David ojts jëtu'un tuny tä ënäty ja Wintsën të tyuk'ëne'emyën ets ka'ap ja filistejë ja'ayëty tyajmëtäky, tpatso'ony jam Gabaón ets tyimja'ajty jam Guézer.

Josue 10:33

Horam mëti'ipë yajkutujkpën Guézer ojts tsyoony mëët tëkokyë yë tsyiptuunpëtëjk ets tniwaantu'uta'any yë Laquis, e ka'ap myëtäky mëët ja Josué, Josué wa'ats tyaj'o'ktaay ja ja'ay, ni pën ojts juuky tkayajwë'ëmy.

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.